بەڕێوەبەری پێشووی CIA بۆ سەرۆک ڕەشید: عێراق لە دوو مەلەفی گرنگدا پێشکەوتنی بەدەستهێناوە

20:20 2025-10-14 30059 عێراق 0

2025-10-14

30059

ئەمڕۆ سێشەممە عەبدولـلەتیف ڕەشید سەرۆک کۆماری عێراق پێشوازی لە جەنەڕاڵ دەیڤید پێترایۆس بەڕێوەبەری پێشووی دەزگای هەواڵگری ناوەندی (سی ئای ئەی) و فەرماندەی پێشووی هێزەکانی هاوپەیمانی نێودەوڵەتی لە عێراق کرد. له میانی دیداره که دا له کۆشکی به غدا، به ڕێوه به ڕی پێشووی سی ئای ئه و فه ڕمانده ی پێشووی هێزه کانی هاوپه یمانی نێوده وڵه تی له عێراق، ژه نڕاڵ پێترایۆس ستایشی ئه و پێشکه وتنانه ی کرد که عێراق له سه ڕ ئاستی ئه منی و سیاسی به ده ستهێناوه و پاڵپشتی به ڕده وامی وڵاته که ی بۆ عێراق له بواره جیاجیاکاندا دووپات کرده وه .
سەرۆکایەتی کۆمار بڵاویکردەوە
سەرۆک کۆمار د.لەتیف جەمال ڕەشید، ئەمڕۆ سێشەممە ١٤-ی ئۆکتۆبەری 2023، لەکۆشکی بەغداد،پێشوازیکرد لەبەڕێوەبەری پێشوی ئاژانسی ناوەندی هەواڵگریی و فەرماندەی هێزەکانی هاوپەیمانان، ژەنەڕاڵ دەیڤید پێترایۆس.
لەمیانی دیدارەکەدا پەیوەندییە دووقۆڵییەکانی نێوان عێراق و ئەمریکا و پێشهاتە ناوچەیی و نێودەوڵەتییەکان تاوتوێ کران، سەرۆک کۆمار ئاماژەی بە پێویستی پەرەپێدانی هاوکارییه ئەمنییەکانی نێوان دوو وڵات لەچوارچێوەی ستراتژێکی هاوبەشی درێژخایەندا کرد، هاوکات ستایشی ڕۆڵی ووڵاتە یەکگرتوەکانی ئەمریکا و هێزەکانی هاوپەیمانی نێودەوڵەتی کرد لە پاڵپشتیکردنی عێراق لەجەنگی دژ بەتیرۆر و ڕزگارکردنی خاکی عێراق لەژێر کۆنترۆڵی ڕێکخراوی تیرۆریستی داعش .
هەروەها سەرۆک کۆمار باسی لەدۆخی سەقامگیری ئەمنی عێراق و ئەو هەوڵانەی کرد بۆ پاراستنی ئەو دەستکەوتانەی لەم بوارەدا بەدەست هاتوون ، جەختیشی لەوە کردەوە کەسەقامگیری وڵات خاڵی دەستپێک بوو بۆ پێشکەشکردنی خزمەتگوزاری و نۆژەنکردنەوەی ژێرخانی ئابووری و جێبەجێکردنی پڕۆژە ستراتیژییەکان کە بەشدارن لە گەیشتن بە گەشەپێدانی بەردەوام و جێبەجێکردنی داواکاری هاوڵاتیان و سەرۆک کۆمار ئاماژەی بەوەشدا کەعێراق خۆی بۆ هەڵبژاردنەکانی داهاتوو ئاماده دەکات و ئامادەکارییه کانیش بەردەوامە بۆ بەڕێوەچوونی پڕۆسەی هەڵبژاردن بەشێوەیەکی ئاسان و شەفاف و چەسپاندنی پڕۆسەی دیموکراسی وڵاتدا.
لەلای خۆیەوە ژەنەڕاڵ پێترایۆس پێزانینی خۆی بۆ هەوڵەکانی سەرۆک کۆمار دەربڕی بۆ یەکخستنی دیدگەی لایەنە سیاسییەکان بۆ بەهێزکردنی سەقامگیری وڵات و هەروەها ستایشی ئەو پێشکەوتنانەی کرد کە عێراق لە ئاستی ئەمنی و سیاسیدا بەدەستهێناوون و پاڵپشتیی بەردەوامی وڵاتەکەی بۆ عێراق لەبوارە جیاجیاکاندا دووپات کردەوە.