سودانی پاکێجێک ڕێوشوێنی بەپەلەی ئاراستە کرد بۆ فراوانترکردنی سەرچاوەکان و یەکخستنی پلەبەندی مووچە
ئەنجوومەنی وەزیرانی ئابووری عێراق چەند بریارێکی لەسەر زیادکردنی داهات و کەمکردنەوەی خەرجیەکان دەرکرد و دەڵێت، پێویستە پێداچوونەوە بە هەژمارکردنی داهاتی ناوخۆی هەرێم بکرێت.
ئەمڕۆ دووشەممە ١٥ـی کانونی یەکەمی ٢٠٢٥، ئەنجومەنی وزاری ئابووری کۆبوونەوەیەکی نائاسایی بە سەرۆکایەتی محەمەد شیاع سودانی، سەرۆک وەزیرانی عێراق ئەنجامدا و لە راگەیەندراوێکدا بڵاویانکردەوە، ئەو لیژنەیە وەزارییەی کە لە مانگی حەوت پێکهێنراوە پێویستە پێداچوونەوە بە حیسابکردنی داهاتە نانەوتییەکان لە هەرێمی کوردستاندا بکات، کە لە ئێستادا وەک بڕە پارەیەکی دیاریکراو دەخرێتە سەر هەژماری وەزارەتی دارایی بە هەماهەنگی لەگەڵ هەرێم.
دەقی بڕیارەكانی ئەنجومەنی وزاری ئابووری عێراق کەدەستی موتەڵع کەوتووه:
- پێداچوونەوەی خێرا بكرێت بە دەرماڵە و مووچەی سێ سەرۆكایەتییەكە (سەرۆكایەتی پەرلەمان- سەرۆكایەتی كۆمار- سەرۆكایەتی ئەنجومەنی وەزیران)و كاربكرێت بۆ یەكسانیی لە مووچەو دەرماڵەی هەموو كارمەندانی سێ سەرۆكایەتییەكە.
- لیژنەی تایبەت لە وەزارەتی پلاندانان نوێكردنەوەی پێویست بكات بۆ راپۆرتی تایبەت بە یەكخستنی پلە بۆ هەموو فەرمانبەران و لەبەرچاوگرتنی ئەو راسپاردانەی لەوبارەیەوە بەرزكراونەتەوە.
- كەمكردنەوەی تەرخانكراوی تایبەت بە (ئیفاد)ی فەرمانبەرانی دەوڵەت بەرێژەی ٩٠٪ و قەدەغەكردنی مەگەر بە مەرج و بە رەزامەندی وەزیر.
- كەمكردنەوەی رێژەی سەرپەرەشتی و چاودێری پرۆژە نوێیەكان، هەروەها دانان و كاراكردنی پرۆگرامێكی هاوردەی نیشتمانی كە تەنیا كاڵا بنەڕەتییەكان لەخۆبگرێت.
- بەرزكردنەوەی راسپاردە بۆ ئەنجومەنی وەزیران بۆ چاوخشاندنەوە بە پاڵپشتی بەرهەمی گەنم، بەشێوەیەك كە زامنی پاڵپشتی حكومەت بكات بەرێژەی (١٧٠٪)ی نرخی بۆرسەی جیهانیی.
- وەزیری بازرگانی راسپێردرا بە چاوخشاندنەوە بە كۆبۆنی خۆراك و چاكسازیكردن تێیدا، ئاڕاستەكردنی بۆ ئەو كەسانەی كە بەڕاستی شایستەن لە چینە لاوازەكانی كۆمەڵگا.
- لیژنەی وزاری پێكهێنراو بەگوێرەی بڕیاری (٥٥٠) ئەنجومەنی وەزیران، راسپێردرا بەمەبەستی چاوخشاندنەوە بە هەژمارکردنی داهاتە نانەوتییەكان لە هەرێمی كوردستان عێراق بە هەماهەنگیی لەگەڵ هەرێم، كە لەئێستادا وەكو بڕە پارەیەكەی دیاریكراو دەخرێتە حسابی وەزارەتی دارایی.
- بەهێزكردنی كاركردن بە سیستمی ئاگاداركردنەوەی پێشوەختە لە دەستەی گومرگەكان بە هەماهەنگیی لەگەڵ بانكی ناوەندیی عێراق و پەرەپێدانی كۆكردنەوەی پارەی كارەباو چاوخشاندنەوە بە باجی ئێستاو پشتبەستن بە وەرگرتنی ئۆتۆماتیكی لە هەموو كەرتەكان؛ بەتایبەتیش كۆكردنەوەی پارەی كارەباو شارەوانی بەغدا و شارەوانییەكان لەسەرتاسەری عێراق، كە پێویستە پارەدان تەنیا بەشێوەی ئەلیكترۆنی بێت.
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
