ناوەڕۆکی کۆبوونەوەی مەسعود بارزانی لەگەڵ کۆنسوڵی گشتیی هۆڵەندا و کۆنسوڵی گشتیی ئەڵمانیا له هه‌ولێر بڵاوکرایەوە
ئەمڕۆ سێشه‌ممه، 2ی نیسانی 2024، لە سەلاحەددین مەسعود بارزانی پێشوازی لە یاکۆ بێریندز، کۆنسوڵی گشتیی هۆڵەندا و کلاوس شترایشەر، کۆنسوڵی گشتیی ئەڵمانیا له هه‌ولێر كرد.
بە گوێرەی ڕاگەیەندراوێکی بارەگای بارزانی، لەدیدارەكەدا ڕۆشنایی خرایە سەر بابەتی هەڵبژاردنی پەرلەمانی هەرێمی کوردستان و هەڵوێست و تێبینیەكانی پارتی دیموکراتی کوردستان سەبارەت بە هەڵبژاردنەکان. هەروەها ئاماژە بە گرنگیی هەڵبژاردن لە هەرێمی کوردستان کرا و هەردوو کۆنسوڵی هۆڵەندا و ئەڵمانیا پاڵپشتیی وڵاته‌كانیان بۆ هەڵبژاردنێكی دادپەروەرانە ڕاگەیاند بە جۆرێک کە نوێنەرایەتی ڕووی دیموکراسی هەرێمی کوردستان بکات، ئەویش بە هاوکاریکردنی لایەنە پەیوەندیدارەکانی ناوچەکە بۆ تێپەڕاندنی قەیرانە سیاسییەکان.
وەکو ئەوەی ئاماژەی پێ کراوە، هەر لەو دیدارەدا سەرۆكی پارتی ستایشی ڕۆڵی هه‌ردوو وڵاتی هۆڵه‌ندا و ئه‌ڵمانیای دۆست کرد لە پاڵپشتیی دۆزی گەلی کوردستان. هەروەها مەسعود بارزانی جەختی لەوە کردەوە، "پارتی دیموکراتی کوردستان دامەزرێنەری شەرعییەت و هەڵبژاردنە لە کوردستان و لە ماوەی دوو ساڵی ڕابردوودا پارتی دیموکراتی کوردستان هەموو هەوڵێکی خۆی خستۆتەگەڕ بۆ ئەوەی هەڵبژاردن لە كاتی بکرێت".
سەرۆکی پارتی ئەوەی خستووەتە ڕوو، "بە ئاشكرا پەنا بۆ دەستی دەرەكی و دادگەی فیدراڵ بردرا بۆ ئەوەی كێشە بۆ هەڵبژاردنێكی پاك و بێگەرد دروست بكرێت. بێبەشكردنی پێكهاتە نەتەوەیی و ئایینیەكان لە هەڵبژاردن، بێبەشكردنی زیاتر له چوارسه‌د هه‌زار دەنگدەر لە دەنگدان و جگە لەوەش سەپاندنی ڕێکار و میکانیزمی و ڕێوشوێنی نادروست لە بەڕێوەچوونی هەڵبژاردن، وا دەكات كە هەڵبژاردن تەعبیر لە دەنگی ڕاستەقینەی خەڵكی كوردستان نەكات".
لە بەشێكی تری ئەو كۆبوونەوەیە، بارزانی جه‌ختی له‌وه‌كرده‌وه كه پارتی دیموکراتی کوردستان پشتگیریی لە هەڵبژاردنێکی ئازاد و دادپەروەرانە دەکات بەبێ هیچ دەستێوەردانێک و داڕشتنێکی پێشوەختە. بە پێویستشی زانی كە هەموو ئەو كەموكوڕییە تەكنیكی و پێشێلكارییە دەستووریی و یاساییانەی مه‌له‌فی هه‌ڵبژاردن چارە بكرێن بۆ ئه‌وه‌ی پرۆسەكه نوێنه‌رایه‌تیی ئیرادە و دەنگی ڕاستەقینەی گەلی كوردستان بكات، به شێوه‌یه‌ک کە لە خزمه‌تی دیموکراسی و شەرعیەتی دامودەزگاکانی هەرێمدا بێت.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
تره‌مپ: ره‌نگه ماوه‌ی ئاگربه‌ست له‌گه‌ڵ ئێران درێژ نه‌كه‌مه‌وه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكه‌رانی ئه‌و هێرشه‌ی نزیك هه‌ولێر ده‌ستگیركراون كه ئه‌فسه‌ره فه‌ره‌نسییه‌كه‌ی تیادا كوژرا
عێراق: له رۆژی هه‌ینییه‌وه ده‌ست به گه‌شته ئاسمانییه‌كانی نێوخۆ و ده‌ره‌وه ده‌كرێته‌وه
په‌رله‌مانی عێراق ئه‌ندامانی لیژنه‌ی دارایی په‌سه‌ندكرد؛ پێنج ئه‌ندامیان كوردن
تره‌مپ: لوبنان به‌شێك نییه له رێككه‌وتنی ئاگربه‌ست له‌گه‌ڵ ئێران
حکومەتی عێراق بەتوندی ئیدانه‌ی هێرشەکانی ئه‌مڕۆی ئیسرائیل بۆ سەر لوبنان دەکات
سوپای پاسداران: هێرشه‌كانی سه‌ر لوبنان رانه‌گیرێن، وه‌ڵامی توندمان ده‌بێت
پزیشكیان: ئاگربه‌ست له لوبنان مه‌رجێكی سه‌ره‌كی پێشنیاره 10 خاڵییه‌كه‌ی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
