وەزیری دەرەوە عێراق داوا لە كۆمپانیا پورتوگالییەكان دەکات بەشداری بكەن لە پڕۆژەكانی ئاوەدانكردنەوە
ئەمڕۆ چوارشەممە، جێگری سەرۆك وەزیران و وەزیری دەرەوە فوئاد حسێن، داوای لە كۆمپانیا پورتوگالییەكان كرد كە بەشداری بكەن لە پڕۆژەكانی ئاوەدانكردنەوە لە عێراق.
وەزارەتی دەرەوە لە بەیاننامەیەكدا بڵاویکردەوە: جێگری سەرۆك وەزیران و وەزیری دەرەوە فوئاد حسێن، لە پەراوێزی كۆڕبەندی ئابووری جیهانی لە داڤۆس، ئەمرۆ چوارشەممە لەگەڵ پاولۆ رانگل وەزیری دەرەوەی پورتوگال كۆبووەوە.
لە بەیاننامەكەدا ئاماژە بەوەشكراوە: لە كۆبوونەوەكەدا پێداچوونەوە بە پەیوەندییە دووقۆڵییەكانی نێوان عێراق و پورتوگال و ڕێگاكانی پەرەپێدانیان كراو، بە گرنگیدان بە بەرزكردنەوەی هاریكاری ئابووری.
ئاماژەی بەوەشكرد: لە كۆبوونەوەكەدا هەردوولا گفتوگۆیان لەسەر ئاسۆی هاوكاری لەبوارەكانی وزە و وەبەرهێنان كرد،و هەروەها فوئاد حسێن جەختی لە گرنگی فراوانكردنی هاوبەشی نێوان هەردوو وڵات لە كەرتە ئابوورییە گرنگەكاندا كردەوە. هاوكات باسیان لە ڕێگاكانی بەرزكردنەوەی هاوكارییە ڕۆشنبیری و پەروەردەییەكان كرد، كە ئەمەش دەبێتە هۆی بەرزكردنەوەی ئاستی هاوكارییەكانی نێوان هەردوو وڵات و بەشداری دەكەن لە بەهێزكردنی پەیوەندییەكانی نێوان هەردوو گەلدا.
لە درێژەی بەیاننامەكەدا هاتووە، هەر لە كۆبوونەوەكەدا باس لە پێشهاتەكانی دۆخی سیاسی ناوچەی ڕۆژهەڵاتی ناوەڕاست كرا.
بەپێی بەیاننامەكە وەزیری دەرەوە جەختیكردەوە: لە پێویستی بەهێزكردنی گفتوگۆی نێودەوڵەتی بۆ پشتیوانیكردن لە ئاشتی و سەقامگیری لە ناوچەكەدا، و داوای لە كۆمپانیا پورتوگالییەكان كرد كە بەشداری بكەن لە پڕۆژەكانی ئاوەدانكردنەوە لە عێراق، و ئاماژەشی كرد: بە بەردەستبوونی ژینگەی وەبەرهێنانێكی هاندەر و ئومێدبەخش.
وەزیری دەرەوە بانگهێشتنامەیەكی فەرمی ئاراستەی هاوتا پورتوگالییەكەی كرد بۆ سەردانی عێراق، و جەختیكردەوە: لەسەر گرنگی ئەم سەردانە لە پتەوكردنی پەیوەندییە دوو قۆڵییەكان و چاودێریكردنی وردی ئەو پێشهاتە ئەرێنییانەی كە لە عێراقدا بەدی دەكرێت.
ناوبراو داوای كردنەوەی باڵیۆزخانەی پورتوگالی لە بەغدا كرد و جەختی لەوە كردەوە: كە ئەم هەنگاوە بەشدارییەكی زۆر دەكات بۆ بەهێزكردنی هاوكارییەكانی نێوان هەردوو وڵات لە بوارە جیاجیاكاندا.
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
