سەرۆکی ئەنجومەنی وەزیران مەحەمەد شەیاع سودانى، ئەمڕۆ سێشەممە سەرۆکایەتی چل و شەشەمین دانیشتنی ئاسایی ئەنجومەنی وەزیرانی کرد.

نوسینگەی ڕاگەیاندنی سەرۆکی ئەنجومەنی وەزیران لە راگەیەندراوێکدا بڵاویکتدەوە:-لە دانیشتنەکەدا گفتوگۆ لەسەر کاروباری گشتی لە وڵاتدا کرا و بەدواداچوون بۆ گرنگترین دۆسیە و پرسە بنەڕەتییەکان و پێشکەوتنی جێبەجێکردنی بەرنامەی حکومەت لە بوارە جۆراوجۆرەکان و ئاستە جیاوازەکاندا کرا لەگەڵ ڕەچاوکردنی ئەو بابەتانەی کە لە بەرنامەکەدا بوون و بڕیارە پێویستەکان لەو بارەیەوە دران.

هەروەها ئەنجومەنەکە بەدواداچونی بۆ بارودۆخی تراژیدی گەلی فەڵەستین و بەردەوامبوونی هێرشی زایۆنییەکان کرد لەگەڵ تەواوکردنی ڕێکخستنی ناردنی یارمەتی و کەرەستەی فریاگوزاری بۆ غەزە و ئەنجومەنەکە ڕەزامەندی دەربڕی لەسەر ئەوەی ئەو لیژنەیەی کە بەگوێرەی ئەو فەرمانەی لە نوسراوی نووسینگەی سەرۆکی ئەنجومەنی وەزیرانیدا هاتوە لە بەرواری 12ی تشرینی یەکەمی 2023  بۆ وەرگرتنی کەرەستەی فریاگوزاری لە کۆگاکانی کۆمەڵەی مانگی سووری عێراقی و ناردنیان بۆ خەڵکی کەرتی غەزە وەک پشتگیریکردنێک بۆ پرسی فەڵەستین.

سەبارەت بە کەرتی نەوت و گەشەپێدانی، ئەنجومەنی وەزیران ڕاسپاردەی ئەنجومەنی وەزیرانی ئابووری ژمارە (230235) پەسەند کرد سەبارەت بە پڕۆژەی تەواوکردنی دابینکردنی دارایی پڕۆژەی شکاندنی هاندەر (FCC) کە لەلایەن کۆمپانیای پاڵاوگەکانی باشوور لەگەڵ کۆمپانیایەکی ژاپۆنی گرێبەستی لەسەر کراوە بەپێی ئەمانەی خوارەوە:
- ڕەزامەندی دەربڕین لەسەر کەمکردنەوەی کرێی هەڵگرتن کە بە ڕێژەی (75%) سەپێنراوە بۆ کەرەستەی بارهەڵگر و کۆنتێنەرەکان بە مانەوە لە بەندەر لە (7 بۆ 10) ڕۆژ، بۆ ئەو ماوەیەی کە لە لێبوردن نایگرێتەوە لە پڕۆژەی شکاندنی هاندەر (FCC) ی تایبەتی و تا تەواوبوونی دەرکردنی ماددەکان لە خاوەندارێتی وەزارەتی دارایی / دەسەڵاتی گشتی گومرگ، بە مەرجێک کۆمپانیای گشتی بەندەرەکانی عێراق یاردێکی تایبەت بۆ هاوردەکانی حکومەت ئامادە بکات لە ماوەی (90) (وەک کەمپی گومرگی) .

لە هەمان ڕووەوە، ئەنجومەنەکە یاداشتنامەیەکی لێکتێگەیشتنی لە نێوان وەزارەتی کارەبای کۆماری عێراق و یەکێتی دەوڵەتی تورکمان گاز لە بواری هاوردەکردنی گازی تورکمانستان پەسەند کرد کە لە 10ی حوزەیرانی 2023دا واژۆکرا، لەسەر بنەمای یاسای گرێبەستی پەیماننامەکان (35ی ساڵی 2015).

لە پێناو بەدواداچوون بۆ ئامانجی گەشەپێدانی گەنجان و پێشکەوتنی دەستپێشخەری (ریادا) کە پەیوەستە بە پەرەپێدانی توانا و لێهاتوویی و دەرفەتەکان، ئەنجومەنەکە ڕاسپاردەی ئەنجومەنی وەزیرانی ئابووری (230255) بەم شێوەیە پەسەند کرد:
ڕەزامەندی دەربڕین لەسەر هەموارکردنەوەی کرێی وانە وتنەوە بۆ ئەو کۆرسانەی کە لە ناوەندەکانی ڕاهێنان و گەشەپێدانی پیشەیی سەر بە وەزارەتی پلاندانان (ناوەندی نیشتمانی بۆ گەشەپێدانی بەڕێوەبردن) و وەزارەتی کار و کاروباری کۆمەڵایەتی (فەرمانگەت کار و ڕاهێنانی پیشەیی) و دەستپێشخەری (ریادا) لە نووسینگەی سەرۆکی ئەنجومەنی وەزیران ئەنجام دەدرێن بۆ ئەوەی ببنە (25،000) دینار، تەنها بیست و پێنج هەزار دینار لە کاتژمێرێکدا، بە مەرجێک کە بەلایەنی کەم دوو کاتژمێر لە ڕۆژێکدا هەژمار بکرێت بەبێ گوێدانە کاتژمێرە ڕاستەقینەکانی کارکردن.

هەروەها ئەنجومەنەکە لە دانیشتنی ئەمڕۆدا ڕاسپاردەکانی تیمی ڕەشنووسی سیستەمی بەڕێوەبردنی ئەرکەکان و دانیشتنەکانی ئەنجومەنی باڵای لاوانی پەسەند کرد کە بە فەرمانی بەڕێوەبەرایەتی (3310) دەرچووە بەپێی نووسراوی نووسینگەی سەرۆکی ئەنجومەنی وەزیران کە لە 30ی ئابی 2023دا دەرچووە، بە ڕەچاوکردنی تێبینیەکانی بەشی یاسایی لە ئەمیندارییەتی گشتی ئەنجومەنی وەزیران کە لە 26 تشرینی یەکەمی 2023 دا جێگیرکراوە.

ئەنجومەنەکە چەند دۆسییە و بابەتێکی لەبەرچاو گرت کە لە بەرنامەی کاردا جێگیرکراوە، و ئەم بڕیارانەی خوارەوەی دا:
یەکەم: ڕەزامەندی لەسەر ئەمانەی خوارەوە بدرێت:
1. دەسەڵاتدان بە جێگری سەرۆکی ئەنجومەنی وەزیران/ وەزیری پلاندانان بۆ واژۆکردنی پەیڕەوی ناوخۆی ناوەندی عەرەبی بۆ توێژینەوەی سیاسەتی کۆمەڵایەتی و نەهێشتنی هەژاری لە وڵاتە عەرەبییەکاندا.
2. وەزارەتی دەرەوە بەڵگەنامەی ڕێگەپێدانی پێویست ئامادە دەکات بە ناوی حکومەتی کۆماری عێراقەوە بۆ جێگری سەرۆکی ئەنجومەنی وەزیران، وەزیری پلاندانان بەگوێرەی ئەو چوارچێوەیەی کە پەسەندکراوە و پێشکەشی ئەمیندارییەتی گشتی ئەنجومەنی وەزیران بکات بۆ بەدەستهێنانی واژوی سەرۆکی ئەنجومەنی وەزیران.

دووەم: ڕەزامەندی دەربڕین لەسەر ئەوەی وەزارەتی خوێندنی باڵا و توێژینەوەی زانستی ڕێنمایی دەربکات بۆ هەموارکردنی پێنجەمی ڕێنماییەکانی سندوقی خوێندنی باڵا ژمارە (122) بۆ ساڵی 1999 بەم شێوەیەی خوارەوە:

بە زیادکردنی بڕگەی (د) بۆ ماددەی (13) ی ڕێنماییەکانی سندوقی خوێندنی باڵای (122ی ساڵی 1999) کە دەڵێت: (سندوقەکە ژمێریاری و خەرجی و داهاتی تایبەت بە خۆی بۆ وەزارەتی دارایی دابین دەکات) ، بەپێی ئەوەی لە بۆچوونی بەشی یاسایی ئەمیندارییەتی گشتی ئەنجومەنی وەزیراندا هاتوە کە لە یاداشتنامەکەیدا جێگیرکراوە لە 1ی تشرینی دووەمی 2023، لەسەر بنەمای بڕگەکانی یاسای وەزارەتی خوێندنی باڵا و توێژینەوەی زانستی ژمارە (40) ی ساڵی 1988 و پێشکەشکردنەکە هەموو (6) مانگ جارێک بێت.

سێیه م: ڕەزامەندی دەربڕین لەسەر ئەوەی بەشی یاسایی لە ئەمینداریەتی گشتی ئەنجومەنی وەزیران  هەڵسێت بە ئامادەکردنی پڕۆژه یاسایەک بۆ هەموارکردنەوەی یاسای هاتووچۆ (8ی ساڵی 2019) بەپێی ئەم دەقەی خوارەوە:
(لێخوڕینی ئۆتۆمبێلی جام ڕەش یان پۆشراو بە پردە، دەستی بەسەردا بگیرێت تاکوو پەردەکان یا رەشکردنی جامەکەی لاببات، بەمەرجێک ئەگەر ڕەشکردنی جامەکان بە شێوەیەکی فەرمی نەبێت، بەگوێرەی ئەو ڕێسایانەی کە لەلایەن وەزارەتی ناوخۆوە دەرچووە لە بەرامبەر بڕە پارەیەک کە لەلایەن وەزیری ناوخۆوە دیاری دەکرێت) و ڕەوانەی ئەنجومەنی نوێنەران بکرێت، لەسەر بنەمای بڕگەکانی دەستوور.