جاڕنامەی ئەستەنبوڵ پێشنیارەکانی عێراق لە کۆتایی دانیشتنی ڕێکخراوی هاوکاری ئیسلامی پەسەند دەکات

19:39 2025-06-23 56544 عێراق 0

2025-06-23

56544

ئەمڕۆ دووشەممە، وەزارەتی دەرەوە، لە کۆتایی 51مین دانیشتنی ڕێکخراوی هاوکاری ئیسلامی، پەسەندکردنی جاڕنامەی ئەستەنبوڵ، پێشنیارەکانی عێراقی ڕاگەیاند.
لە ڕاگەیەندراوێکی وەزارەتەکەدا، کە دەستی موتەڵع کەوتووە، تێیدا هاتووە "ئەمڕۆ دووشەممە 51ـەمین دانیشتنی ئەنجومەنی وەزیرانی دەرەوەی ڕێکخراوی هاریکاری ئیسلامی لە ئەستەنبوڵی تورکیا کۆتایی پێهات، دانیشتنەکە لە 21 تا 22ی حوزەیران بە بەشداری شاندی وڵاتانی ئەندام بەڕێوەچوو".
لە بەیاننامەکەدا ئاماژە بەوە کراوە کە "شاندی کۆماری عێراق بۆ ئەم خولە بە سەرۆکایەتی فوئاد حسێن جێگری سەرۆک وەزیران و وەزیری دەرەوە بووە"، ئاماژەی بەوەشکردووە "لە دانیشتنی کۆتاییدا پەسەندکردنی جاڕنامەی ئەستەنبوڵی لە خۆگرت، کە پێشنیازەکانی عێراقی لەخۆگرتبوو، دیارترینیان ئیدانەکردنی توندی ئەو سیاسەتانە بوو کە قەوارەی (ئیسرائیلی) بۆ ناسەقامگیری ناوچەکە پەیڕەوی کرد".
ئاماژەی بەوەشکرد: بەیاننامەکە پێشنیارەکانیش سەبارەت بە هێرشەکانی ئەم دواییەی ئێران و سوریا و لوبنان لەخۆگرتبوو، کە پێشێلکارییەکی ئاشکرای سەروەری ئەو وڵاتانە پێکدەهێنن. ئەم پێشنیازە پێشتر لەلایەن عێراقەوە لە کۆبوونەوەی بەپەلەی وەزیرانی دەرەوەی عەرەبیدا خرایەڕوو.
ئاماژەی بەوەشکرد، "پێشنیارێکی دیکە کە لەلایەن بەغداوە پێشکەشکرا پەسەندکرا، کە داوای پێکهێنانی لیژنەیەکی هاوبەشی کراوەی وڵاتانی ئەندامی ڕێکخراوەکە دەکات، کە پەیوەندی بە چالاککردنی دیالۆگ و کارکردن بۆ کەمکردنەوەی گرژییەکانی ناوچەکە هەیە".
ئاماژەی بەوەشکرد، "ئەم دەستپێشخەرییە بەشێک بوو لە دەرئەنجامەکانی کۆبوونەوەی بەپەلەی عەرەبی کە بەم دواییە عێراق داوای کردبوو".