دەزگای هەواڵگری دوو لە مەترسیدارترین سەرکردەکانی داعش لە دەرەوەی سنوورەکان دەستگیر دەکات

21:16 2024-02-24 94839 عێراق 0

2024-02-24

94839

ئەمڕۆ شەممە،دەزگای هەواڵگری نیشتمانی دەستگیرکردنی دوو لە مەترسیدارترین سەرکردەکانی داعشی لە دەرەوەی سنوورەکان ڕاگەیاند.
لە بەیاننامەیەکی دەزگاکەدا هاتووە:- لەژێر بەدواداچوونی کەسی سەرۆک وەزیران و فەرماندەی گشتی هێزە چەکدارەکان و هەوڵی ناوازە و بەدواداچوونی هەواڵگری،هێزەکانی دەزگای هەواڵگری نیشتمانی عێراق توانیان دوو کەس لەو کەسانە دەستگیربکەن، کە لەگەڵ مەترسیدارترین سەرکردەکانی تیرۆریستانی داعش دەستیان هەبووە لە قێزەونترین تاوانە تیرۆریستییەکان لە عێراق ، کە دەستگیر کردنیان لە ئۆپەراسیۆنێکی دیاریکراو بووە لە دەرەوەی سنوورەکانی عێراق، کە تیرۆریستەکان هەریەک لە (عیسام عەبد عەلی سەعیدان) نازناوی (ئەبو زەید)،کە ڕاگەیەندکاری داعش بوە لە ویلایەتی بەناو پارێزگای فەللوجە، کە دەستی لە سەربڕین و شەهیدکردنی سەربازی عێراقی (کازم ریکابی ) هەبووە،کە بەرپرسیارە لە بەڕێوەبردنی سەرجەم چالاکییە میدیاییەکانی باندە تیرۆریستییەکانی داعش لە دوای ساڵی 2014، هەروەک براکەی (بەشير عەبد عەلی سەعيدان) تیرۆرست دەستی هەبووە لە بەڵگەنامەکردنی چەندین تاوانی تیرۆریستی، دیارترینیان شەهید کردنی هەردوو سەرباز موستەفا عەزاری و سەمیر مراد دەڵۆیی هەروەها بەرپرسە لە هەموو هێرشە تیرۆریستییەکانی داعش لە فەلوجە لە دوای ساڵی 2015، و بەرپرسی پاراستن و کۆدکردنی پەیوەندییەکانی سەرکردەکانی باندە تیرۆریستییەکان بووە.
وەک بەیاننامەکە ئاماژەی پێداوە :- سەرکەوتنەکانی قارەمانانی دەزگای هەواڵگری نیشتمانی عێراق بەردەوامە بەسەر هێزەکانی تیرۆر و تاریکی و ناپاکی، بەڵێن بە گەلە بەشەرەفەکەیان دەدەن کە بەردەوام بن لە ڕاوەدوونانی ئەو تاوانبارانە یەک لە دوای یەک