سەرۆکی ئەنجومەنی وەزیران محەمەد شیاع سودانى بەیانی ئەمڕۆ دووشەممە سەردانی پارێزگای بەغدادی کرد بۆ سەرپەرشتیکردنی ڕەوانەکردنی پڕۆژە ستراتیژییەکانی ئاوەڕۆ لە ناوچەکانی ئەبوغرێب و نەهروان و سەبع ئەلبوور و ناحییەی وەحدە، هەروەها بەدواداچوونی کرد بۆ جێبەجێکردنی ژمارەیەک پڕۆژەی خزمەتگوزاری و شارستانی و ژێرخان.
نوسینگەی ڕاگەیاندنی سەرۆکی ئەنجومەنی وەزیران له‌راگه‌یه‌ندراوێكدا كه‌بۆ ئاژانسی هه‌واڵی عێراقی ناردووه‌ راگه‌یاندووه‌" سودانی ئاماژە بە گرنگی پڕۆژەکانی ئاوەڕۆ کرد، چونکە پەیوەستە بە دۆخی ژینگەیی و تەندروستی ناوچەکانی نیشتەجێبوونەوە و ڕێگری لە تەواوکردنی پڕۆژەکانی تری خزمەتگوزاری و ژێرخان دەکات و جەختیشی کردەوە لەسەر بەردەوامی پشت بەستن بە ئامانجی دابینکردنی خزمەتگوزاری.
سودانی ئاماژەی بەوەشکرد، کە بڕی پارەی ئەو پڕۆژانە مسۆگەرکراون و دەبێت هەڵبژاردنی کۆمپانیا جێبەجێکارەکان پاش ملکەچبوونیان بە پێوەرەکانی بەراوردکردن و کارایی و توانای جێبەجێکردن و توانای دارایی بێت و کارکردن لە پڕۆژەکان لە چوارچێوەی سێ تیم دەبێت لە ڕۆژێکدا.
هەروەها سه‌رۆك وه‌زیران جەختی کردەوە لەسەر ڕەتکردنەوەی هەر هەوڵێکی پەرتیل سەندن یان موزایەدە کە لەوانەیە ئەو کۆمپانیایانەی کە پڕۆژەکان جێبەجێ دەکەن ڕووبەڕووی ببنەوە و دەزگا ئەمنی و جێبەجێکارەکانیشی ڕاسپارد بۆ ئەوەی بە تەواوی ڕووبەڕووی ئەو جۆرە هەوڵانە ببنەوە، ئەمە جگە لەوەی فەرماندەیی ئۆپەراسیۆنەکانی بەغدادی ڕادسپارد تیمێک پێکبهێنن بۆ یاوەریکردنی کۆمپانیا جێبەجێکارەکان بەمەبەستی پێشکەشکردنی هەوڵ و خزمەتگوزاری کۆمەڵایەتی.
لە میانەی سەردانەکەیدا، سودانی سەرپەرشتی ڕەوانەکردنی چوار پڕۆژەی ستراتیژی ئاوەڕۆ و بارانبارینی کرد بۆ کۆمپانیاکانی جێبەجێکردنی کەرتی تایبەت، کە یەکەم پڕۆژە لە قەزای (ئەبوغرێب)ە و توانای 41 هەزار مەتر سێجای دەبێت لە ڕۆژێکدا،  بە درێژایی کۆی درێژکردنەوەی تۆڕەکان 370 کم کە 9 وێستگەی چارەسەری تێدایە، و پڕۆژەی دووەم لە ناحییەی نەهراوان بە توانای 67.5 هەزار مەتر سێجا دەبێت لە ڕۆژێکدا و درێژی درێژکراوەکانی کۆی گشتی 175 کم و 3 وێستگەی چارەسەرکردنی تێدایە، سەبارەت بە پڕۆژەی سێیەم کە لە ناحییەی سەبع ئەلبوور جێبەجێ دەکرێت، توانای 44.8 هەزار مەتر سێجای هەیە لە ڕۆژێکدا و و درێژییەکەی 286 کم و 3 وێستگەی چارەسەری تێدایە، هاوکات پڕۆژەی چوارەم دەکەوێتە ناحییەی وەحدەوە بە توانای 48 هەزار مەتر سێجا لە ڕۆژێکدا و درێژی 151 کم و لەنێویاندا 5 وێستگەی چارەسەرکردن دەبێت.
سەرۆکی ئەنجومەنی وەزیران فەرمانی کرد بە گرێبەستکردن لەگەڵ ڕاوێژکارێک بە مەبەستی بەدواداچوون و وردبینی کردن و پێشکەشکردنی چارەسەر، هەروەها پێکهێنانی ژووری ئۆپەراسیۆنەکان لەگەڵ ئەو لایەنانەی کە کارەکانیان لەگەڵ جێبەجێکردنی ئەم پڕۆژانەدا یەکتر دەبڕێت.
هەر لە میانەی سەردانەکەدا سودانی پێداچوونەوەی بە سیستەمی کامێرای ئاسایشی بەغداد کرد لەگەڵ ئەو ڕێوشوێنانەی کە گیراونەتەبەر بۆ پەرەپێدانی و تێڕوانینی داهاتوو و خزمەتگوزارییە ئەلیکترۆنییەکان کە لەم دواییەدا چالاککران، هەروەها فەرمانی کرد بە داپۆشینی هەموو ناوچەکانی بەغداد بە کامێرای زیرەک، بەتایبەتی ناوچە سەرەکییەکان.