سودانی پێشوازی دەکات لە بنەماڵەی شەهیدی حارس سودانی و کۆمەڵێک لە ئەکتەرانی زنجیرە درامای نەقیب دەکات

23:45 2025-03-23 107754 عێراق 0

2025-03-23

107754

سەرۆکی ئەنجومەنی وەزیران محەمەد شیاع سودانی، ئێوارەی ئەمڕۆ یەکشەممە پێشوازی کرد لە بنەماڵەی شەهیدی پاڵەوان حارس عەبد عەلی سودانی، کە توانییەی دزە بکاتە ناو چەتە تیرۆریستییەکانی داعش و کۆمەڵێک لە ئەکتەرانی زنجیرە درامای (ئەلنەقیب) کە ژیاننامەی شەهیدی بەرجەستە کرد و پاڵەوانی کارەکە و نووسەر و دەرهێنەر و لیژنەی بەخشینی پاڵپشتی درامای تەلەفزیۆنی.
نوسینگەی ڕاگەیاندنی سەرۆکی ئەنجومەنی وەزیران بڵاویکردەوە
سودانی جەختی لەوە کردەوە کە چیرۆکی شەهیدی پاڵەوان حارس سودانی شایەنی ئەوەیە بە دۆکیۆمێنت بکرێت بۆ ئەوەی جیهان بیبینێت و هەموو عێراقییەکان شانازی بکەن بە ئەو قوربانیدانە لەپێناو بەدەستهێنانی ئاسایش و سەقامگیری.

سودانی ئاماژەی بە ڕۆڵی دەوڵەت کرد لەتیشک خستنە سەر قارەمانێتی و ستەملێکراوی عێراقییەکان چ پێش ساڵی 2003 لە کاتی شەڕی دژ بە دیکتاتۆرییەت و چ لەدوای ئەوە لەبەرەنگاربوونەوەی تیرۆر و توندڕەویدا، و جەختی کردەوە لەسەر پێویستی بەردەوامبوون لە ڕێبازی دۆکیۆمێنتکردنی قارەمانێتی عێراقییەکان و چیرۆکی ڕۆڵەکانی هێزە ئەمنییەکان و نیشاندانیان بە نەوەکان، و زنجیرەی (ئەلنەقیب) دەستپێکێک بێت بۆ کارە سیستماتیکەکانی دۆکیۆمێنت کردنی ئەو قارەمانێتییە کە ئێمە شانازی پێوە دەکەین . سەرۆکی ئەنجومەنی وەزیران ستایشی کارەکانی لیژنەی بەخشین و پاڵپشتی دراما و ستافی زنجیرەی (ئەلنەقیب)ی کرد بۆ ڕۆڵی پیشەییان لەدروستکردنی ئەم کارە و جەختی کردەوە لەسەر پەرۆشی حکومەت بۆ پاراستنی قوربانیدانی عێراقییەکان بە هەموو پێکهاتەکانەوە، لەڕێگەی بنیاتنانی دەوڵەت و پەرەپێدانی ئابووری و چەسپاندنی ئاسایش و سەقامگیری لە سەرانسەری وڵاتە خۆشەویستەکەماندا.