كۆمسیۆنی هەڵبژاردنەكان: تا ئێستا هیچ پێشێلكارییەكی جدی بێدەنگی لە هەڵبژاردنەكاندا نەكراوە

20:11 2025-11-08 38141 عێراق 0

2025-11-08

38141

ئەمڕۆ شەممە كۆمسیۆنی باڵای سەربەخۆی هەڵبژاردنەكان دووپاتی كردەوە كە هیچ پێشێلكارییەكی جددی لەسەر ماوەی بێدەنگی هەڵبژاردن تۆمار نەكراوە، كە بەرەبەیانی ئەمڕۆ دەستیپێكردووە و تا هەڵبژاردنی گشتی ڕۆژی سێشەممە بەردەوامە، هەروەها كۆمسیۆن ئاماژەی بەوەدا كە كۆمەڵێك سزا كە لە پێژماردن دەست پێدەكات بۆ سەرپێچیكاران ئامادە كراوە.
نیبراس ئەبو سودە، جێگری وتەبێژی كۆمسیۆنی باڵای سەربەخۆی هەڵبژاردنەكان بەپێی ئاژانسی هەواڵی عێراقی کەموتەڵع بەدواداچوونی بۆ کردووە ڕایگەیاند: ماوەی بێدەنگی هەڵبژاردنەكان كاتژمێر 7:00ی بەیانی ئەمڕۆ دەستیپێكرد و تا هەڵبژاردنی گشتی 11ی ئەم مانگە بەردەوام دەبێت.
ئەبو سودە ڕوونیشیكردەوە : هەر سەرپێچییەك یان پێشێلكارییەك بۆ ماوەی بێدەنگی هەڵبژاردن تاوانێكی سزادراوە، بە پشتبەستن بە بڕگەكانی یاسای هەمواری سێیەمی ژمارە (12)ی ساڵی 2018 و یاسای ژمارە (4)ی ساڵی 2023، كە پەیڕەوی هەڵمەتەكانی هەڵبژاردن ژمارە (4)ی ساڵی 2025 لێیەوە وەرگیراون، كە چوارچێوەی یاسایی پێكدەهێنن بۆ بەڕێوەبردنی ئەم پرۆسەیە، ئاماژەی بەوەشكردووە كۆمسیۆن كۆمەڵێك سزای ئامادەكردووە، كە بە پێژماردن دەستپێدەكات و بەپێی توندی سەرپێچییەكە بەرزدەبێتەوە، ئاماژەی بەوەشكردووە، تیمەكانی كۆمسیۆن بەردەوامن لە چاودێریكردنی دۆخەكە لە سەرانسەری پارێزگاكان و بەدواداچوون بۆ هەر پێشێلكارییەكی ئەگەری دەكەن، هەروەها سكاڵایان پێدەگات كە پەیوەندییان بە پێشێلكردنی ماوەی بێدەنگی هەڵبژاردنەكانەوە هەیە.
ئەبو سودە ڕوونیكردەوە : كە لەكاتی دەستنیشانكردنی هەر پێشێلكارییەك، كۆمسیۆن هەڵسەنگاندن بۆ ڕادەی زیانەكانی دەرئەنجامی ئەوە دەكات بۆ دیاریكردنی سزای گونجاو، جەختیشی لەوە كردەوە كە ئەم ڕێكارە دەكەوێتە ژێر دەسەڵاتی دەستەی كۆمیساریاوە.
ئەو دووپاتیكردەوە : كە كۆمسیۆن هێشتا هیچ پێشێلكارییەكی جددی لە ماوەی بێدەنگی هەڵبژاردنەكاندا تۆمار نەكردووە كە پێویستی بە دەستێوەردانی دەستبەجێ هەبێت، بەڵام بەردەوامە لە چاودێریكردنی ڕیكلامە سپۆنسەركراوەكان یان پۆستەكانی سۆشیال میدیا بۆ گرتنەبەری ڕێكاری یاسایی گونجاو دژی ئەوانەی كە دەركەوتووە سەرپێچییان كردووە.