مەندەلاوی:دەبێت هەوڵەکانی چاودێریکردن و خێراکردنی پێگەیشتنی ڕەشنووسی یاسا گرنگەکان چڕبکرێتەوە

20:05 2024-02-12 101604 عێراق 0

2024-02-12

101604

سەرۆکی ئەنجومەنی نوێنەران بە وەکالەت، موحسین ئەلمەندەلاوی، ئەمڕۆ دووشەممە، ڕێنمایی کرد هەوڵەکانی چاودێری دوو هێندە بکرێت و پێگەیشتنی ڕەشنووسی ئەولەویەتەکان خێراتر بکرێت.
نووسینگەی ڕاگەیاندنی جێگری یەکەمی سەرۆکی ئەنجوومەنی نوێنەران لە ڕاگەیەندراوێکدا بڵاویکردەوە " مەندەلاوی گەشتێکی ئەنجامدا بۆ بەدواداچوون بۆ کارەکانی فراكسیۆن و لیژنەکانی پەرلەمان، و سەردانی بارەگای فراكسیۆنی دەوڵەتی یاسای کرد، و لەگەڵ سەرۆکی فراكسیۆنی دەوڵەت یاسر سەخیل و ژمارەیەک لە ئەندامانی كۆبووه‌وه‌ هه‌روه‌ها سه‌ردانی بارەگای فراكسیۆنی هاوپەیمانی هێزی ده‌وڵه‌ت كرد.
لە ڕاگەیەندراوەکەدا ئاماژە بەوەشکراوە" لە میانی کۆبوونەوەکاندا جەخت لەسەر پێویستی کاراکردنی چاودێری و کاری یاسادانان کرایەوە بە پابەندبوون بە بەروارەکانی دانیشتنەکانی بەیانی، هەروەها ئامادەبوونی چالاکانە و هەمیشەیی سەرجەم نوێنەران بۆ دانیشتن و کۆبوونەوەکانی لیژنەکانی پەرلەمان، وەک هەماهەنگی هاوبەش بۆ خێراکردنی پەسەندکردنی یاسا گرنگه‌كان."
لە درێژەی بەیاننامەکەدا هاتووە" جه‌خت له‌گرنگی ئەنجامدانی کۆبوونەوەی بەردەوام لەگەڵ سەرۆک و ئەندامانی فراكسیۆنه‌كانی پەرلەمان كردووته‌وه‌ بۆ تاوتوێکردنی ڕەشنووسی یاساکان و خێراکردنی پێگەیشتنیان و دەنگدانیان لەسەری، هه‌روه‌ها زیاتر كردنی هەوڵەکانی چاودێری دوو هێندەکردن و هەماهەنگی لەگەڵ دەسەڵاتی جێبەجێکارەکان بۆ پێشکەشکردنی باشترین خزمەتگوزارییەکان کە هاوڵاتیان چاوەڕێی دەکەن.