مەندەلاوی: یادکردنەوەی سەركردەكانی سەركەوتن تەنها بەشێكی كەمی دڵسۆزی و گەڕاندنەوەی قەرزەكانە بۆ ئەو دوو شەهیدە و هاوەڵەکانیان

14:27 2024-01-03 31198 عێراق 0

2024-01-03

31198

ئەمڕۆ چوارشەممە، موحسین مەندەلاوی ، سەرۆكی ئەنجوومەنی نوێنەران بە وەكالەت، چوارەمین ساڵیادی بەئامانجكردنی جێگری بەرپرسی هێزەكانی حەشدی شەعبی، شەهید (ئەبومەهدی موهەندیس) ، ژەنەڕاڵ (قاسم سولەیمانی) میوانی عێراق ، و هاوەڵەكانیان لە نزیك فڕۆكەخانەی نێودەوڵەتی بەغدا، لەلایەن هێزەكانی زلهێزی جیهانییەوە كردەوە.

نووسینگەی ڕاگەیاندنی مەندەلاوی لە راگەیندراوێكدا رایگەیاند :تاوانی فڕۆكەخانەی بەغدا وەك وەرچەرخانێكی پڕ لە ئازار كە مێژوو بە درێژایی سەدەكان بە نەمركردنی سەركردە شەهیدەكان و ئیدانەكردنی بە دەستی خیانەت كە تیرۆری كردوون دەمێنێتەوە.

ئاماژەی بەوەشكرد، "یادیكردنی ئەم ڕۆژە تەنها بەشێكی كەمی دڵسۆزی و گەڕاندنەوەی قەرزەكانە بۆ ئەو دوو شەهیدە و ئەوانەی لەگەڵیاندا بوون، جا لە ئێمەوە وەك عێراقی بێت یان لە هەموو مرۆڤایەتی.

ئاماژەی بۆ ئەوەش كرد، "ڕووداوی تیرۆركردنی خیانەتكارانەی ئەو دوو شەهیدە و ئەوانەی لەگەڵیانن لەلایەن هێزەكانی سەركێشی جیهانییەوە، لە مێشكی عێراقییەكاندا چەقی دەمێنێتەوە، بەو پێیەی بە هێرشێكی ئاشكرا بۆ سەر خاك و سەروەری عێراق دادەنرێت.

مەندەلاوی ئەوەیش وت: لە كاتێكدا كە بە بۆنەی ساڵیادی شەهیدبوونیانەوە سەرەخۆشی لە خۆمان و هەموو عێراقییەكان و گەلانی ئازاد دەكەین، لە خودای مەزن دەپاڕێینەوە كە هەموو شەهیدانی عێراق و شەهیدان (ئەبو مەهدی موهەندیس) و جەنەڕاڵ (سلێمانی) و ئەوانەی لەگەڵیاندایە بوون ببەخشێت .