وەزارەتی داد کێشەیەکی یاسایی نێودەوڵەتی لە بەرژەوەندی عێراقدا بردووەتەوە بۆ گێڕانەوەی زیاتر لە بیست ملیۆن دۆلار

21:47 2025-10-30 35591 عێراق 0

2025-10-30

35591

ئەمڕۆ پێنجشەممە، وەزارەتی داد ڕایگەیاند کە کێشەیەکی یاسایی نێودەوڵەتی لە بەرژەوەندی عێراقدا بردووەتەوە بۆ گێڕانەوەی زیاتر لە بیست ملیۆن دۆلار.

وەزارەتەکە لە ڕاگەیەنراوێکدا کەدەستی موتەڵع کەوتووە، ڕایگەیاند: "بڕیارێکی دادوەری لە دادگای تێهەڵچوونەوەی بەیرووت لە بەرژەوەندی کۆماری عێراق دەرچوو، کە بریتییە لە گێڕانەوەی بڕی (20,487,308.47) دۆلاری ئەمریکی دژ بە تاوانباری هەڵهاتوو (ع.ق)، ئەمەش دوای تۆمارکردنی سکاڵایەک دژ بە ناوبراو لەبەردەم دادگاکانی تایبەتمەند لە کۆماری لوبنان".

بەپێی ڕاگەیەنراوەکە، بەڕێوەبەرایەتی یاسایی لە وەزارەتی داد ڕوونیشی کردەوە کە "بەدواداچوونی بۆ دۆسییەکە کرد دوای وەرگرتنی لە دەستەی نەزاهە / بەڕێوەبەرایەتی گێڕانەوە، کە پەیوەندی بە تاوانباری هەڵهاتوو (ع.ق)ەوە هەبوو سەبارەت بە پێنەدانی قەرزەکانی بانک کە لە بانکی بازرگانی عێراقی وەریگرتبوو و نەیگەڕاندبووەوە، چونکە بڕە پارەکەی بۆ حسابی تایبەتی خۆی بەکارهێنابوو لە بەرامبەر گەرەنتییەکی ناتەواو".

ئاماژەی بەوەشدا کە "بەردەوام بوو لە بەدواداچوونی سکاڵاکە تاوەکو بڕیاری دادوەری لە بەرژەوەندی عێراق لەلایەن سەرۆکی دادگای تێهەڵچوونەوە لە بەیرووتەوە دەرچوو، کە بڕیاری بەجێهێنانی بڕیارەکەی دادگای سەرەتایی کەرخ دا، بۆ گێڕانەوەی بڕی بیست ملیۆن و چوارسەد و هەشتا و حەوت هەزار و سێسەد و هەشت دۆلاری ئەمریکی و چل و حەوت سەنت لە تاوانباری هەڵهاتوو، و جێبەجێکردنی لەسەر سامانی دەستبەسەرداگیراوی لە لوبنان".

بەڕێوەبەرایەتییەکە ئاماژەی بەوەدا کە "دەرچوونی ئەم بڕیارە لە ئەنجامی بەدواداچوونی یاسایی ورد و هەوڵە نائاساییەکانی بەڕێوەبەرایەتی بەڕێوەبردنی سکاڵا دەرەکییەکان بوو، و ئەو ڕێنمایی و سەرپەرشتییە نایابەی کە لە بەڕێوەبردنی سکاڵاکەدا لەبەردەم دادگای تایبەتمەند لە بەیرووتدا کاری پێکرا، بۆ پاراستنی ماڵی گشتی و گێڕانەوەی ئەو پارانەی کە بۆ دەرەوە بە قاچاخ براون