پارێزگاری سلێمانی حەوت بڕیار بۆ بانگه‌شه‌ی هه‌ڵبژاردن ده‌ردەکات
د. هه‌ڤاڵ ئه‌بوبه‌كر سه‌رۆكی لیژنه‌ی ئارامیی پارێزگای سلێمانی بۆ هه‌ڵبژاردنه‌كانی ئه‌نجومه‌نی نوێنه‌رانی عێراق، حه‌وت بڕیاری بۆ بانگه‌شه‌ی هه‌ڵبژاردن ده‌ركرد و رایگه‌یاند، هه‌ڵگرتنی چه‌ك و دیارده‌ی چه‌كداریی و نمایشی سه‌ربازیی له هه‌ڵمه‌تی بانگه‌شه‌ی هه‌ڵبژاردنه‌كاندا قه‌ده‌غه‌ن.
به‌گوێره‌ی نوسراوێكی پارێزگای سلێمانی كه واژۆی د. هه‌ڤاڵ ئه‌بوبه‌كری له‌سه‌ره تێیدا هاتوه، له‌سه‌ر بنه‌مای كۆبونه‌وه‌ی ڕۆژی 5ی (ئاب/8)ی 2025ی لیژنه‌ی باڵای ئارامیی هه‌ڵبژاردنه‌كانی ئه‌نجومه‌نی نوێنه‌رانی عێراقی فیدراڵ له پارێزگای سلێمانیدا، په‌یوه‌ست به هه‌ڵمه‌تی هه‌ڵبژاردنه‌كانی ئه‌نجومه‌نی نوێنه‌رانی عیراقی فیدڕاڵ، داوا له هه‌مولایه‌ك ده‌كه‌ین پابه‌ندی ئه‌م خاڵانه بن:
یه‌كه‌م:
پێویسته هه‌مولایه‌ك پابه‌ندی یاساو بڕیارو ڕێنمایی و ڕێساكانی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق و لیژنه‌ی باڵای ئارامیی هه‌رێمی كوردستان بۆ هه‌ڵبژاردنه‌كانی ئه‌نجومه‌نی نوێنه‌رانی عێراقی فیدراڵ بن.
دوه‌م:
پێویسته هه‌مو كاندیدو قه‌واره و هاوپه‌یمانێتییه‌كان و هه‌وادارو پشتیوانه‌كانیان به شێوازێكی مه‌ده‌نیانه‌ی دور له توندوتیژیی و به‌ریه‌ككه‌وتن، به پاراستنی ته‌واوی ئارامیی و ئاسایش و سه‌قامگیریی گشتییه‌وه، بانگه‌شه‌ی هه‌ڵبژاردنه‌كان بكه‌ن.
سێیه‌م:
هه‌ڵگرتنی چه‌ك و دیارده‌ی چه‌كداریی و نمایشی سه‌ربازیی له هه‌ڵمه‌تی بانگه‌شه‌ی هه‌ڵبژاردنه‌كاندا قه‌ده‌غه‌ن.
چواره‌م:
كاروان و كه‌ژاوه‌ی له‌دوای یه‌ك و درێژی ئۆتۆمبێل، كه ببنه مایه‌ی تێكدانی هاتوچۆی گشتیی و گرتنی ڕێگاو شه‌قامه‌كان، قه‌ده‌غه‌ن.
پێنجه‌م:
داوا له هه‌مولایه‌ك ده‌كه‌ین له هه‌ر ڕوداو و دۆخێكی نه‌خوازراودا، په‌نا بۆ دادگاو بۆ كۆمسیۆنی باڵای سه‌ربه‌خۆی هه‌ڵبژاردنه‌كانی عیراقی فیدراڵ و دامه‌زراوه فه‌رمییه‌كان ببه‌ن و له هه‌ر ڕوبه‌ڕوبونه‌وه‌و هێرش و تۆڵه‌كردنه‌وه‌یه‌كی كه‌سیی و كۆیی، خۆیان به‌دور بگرن.
شه‌شه‌م:
پابه‌ندی ته‌واوی ڕێنمایی و ڕێكاره‌كانی سه‌رۆكایه‌تیی شاره‌وانیی سلێمانی و شاره‌وانیی یه‌كه كارگێڕییه‌كان و به‌ڕێوه‌به‌رایه‌تی هاتوچۆی پارێزگای سلێمانی و فه‌رمانگا په‌یوه‌ندیداره‌كانی تایبه‌ت به هه‌ڵمه‌تی هه‌ڵبژاردنه‌كان بن.
حه‌وته‌م:
پێویسته هه‌مو فه‌رمانگاكانی حكومه‌ت، هاوكار بن له فه‌راهه‌مكردنی زه‌مینه‌یه‌كی یاسایی هاوبه‌ش و هاوسه‌نگ بۆ به‌ڕێوه‌چونی پرۆسه‌كه به‌بێ جیاوازیی، نابێت هیچ بانگه‌شه‌یه‌كی هه‌ڵبژاردن له فه‌رمانگا حكومییه‌كاندا بكرێت و، نابێت هیچ كه‌لوپه‌ل و كه‌ره‌سته‌یه‌كی ماڵیی و دارایی و شوێنێكی حكومه‌ت بۆ بانگه‌شه‌ی هه‌ڵبژاردنه‌كان به‌كاربهێنرێت.
كلمات مفتاحية
اخبار ذات صلة
تعليقات
أحدث الاخبار
إيران تؤكد تلقيها رسالة أمريكية بلهجة متغيرة وتستبعد تعديل العقيدة النووية
واشنطن: منفتحون على الحلول الدبلوماسية مع إيران.. ولم يُتخذ قرار عسكري
مع إغلاق البورصات.. الدولار يستقر في بغداد ويرتفع بأربيل
بالوثيقة.. ضوابط وآليات أداء امتحانات الدور الثالث للعام الدراسي 2025–2026
القائد العام للقوات المسلحة يترأس اجتماعاً لتعزيز الأمن والاستقرار
المركزي ينفي صدور قرار بتخفيض رؤوس أموال شركات تجارة الذهب
المرشد الإيراني يوجه برفع الجاهزية القتالية وتحديث بنك الأهداف العسكرية
المالية النيابية تؤكد مساعي إضافة درجات وظيفية جديدة بموازنة العام المقبل
واشنطن تدرس نقل قواعدها العسكرية بعيداً عن إيران إثر خسائر موجعة
قائمة بأسعار الدولار في افتتاح تداولات الأسبوع
ختام الجولة 12 لدوري نجوم العراق اليوم بـ4 مواجهات أبرزها الشرطة ونوروز
العراق.. أمطار خفيفة وتباين في درجات الحرارة
انفجار ناقلة نفط بعد اصطدامها بلغم بحري جنوب مضيق هرمز
ترامب: محادثات جارية مع إيران وحربنا معها ليست تقليدية
قصف يمني يستهدف مطار عدن الدولي وقصر المعاشيق وسط توتر واسع
متحدث الحكومة ينفي التوجه لاقتراض 16 تريليون دينار لسد عجز الموازنة
كربلاء يخطف تعادلاً ثميناً من الطلبة بهدفين في قمة دوري نجوم العراق
