پلاسخارت:هەڵبژاردنی سەرۆكی ئەنجومەنی نوێنەرانی عێراق لەم ساتە وەختەدا زۆر گرنگە

19:28 2024-05-16 69968 عێراق 0

2024-05-16

69968

ئەمڕۆ پێنجشەممە، ئەمینداری گشتی نەتەوەیەكگرتووەكان لە عێراق جێنین پلاسخارت، رایگەیاند: هەڵبژاردنی سەرۆكی ئەنجومەنی نوێنەرانی عێراق لەم ساتە وەختەدا زۆر گرنگە.
پلاسخارت لە میانەی لێدوانێكیدا سەبارەت بە عێراق لەبەردەم ئەنجومەنی ئاسایشی نێودەوڵەتی رایگەیاند: بڕوام وایە ئێمە شاهیدی هەڵسانەوەی عێراقین، بەتایبەتی لە بوارەكانی پێشكەشكردنی خزمەتگوزاری و ئاوەدانكردنەوە، وتیشی: عێراق 2024 لە گەشەكردندایە - و بە خێرایی، و هیوادارین لە داهاتوودا پێشكەوتنی زیاتر بۆ هەموو عێراقییەكان بەدەستبهێنرێت.
ناوبراو باسی لە پرسی هەڵبژاردنی سەرۆكی ئەنجومەنی نوێنەران كرد و وتی: تەنها دەتوانم جەخت لەوە بكەمەوە، لەبەر چەندین هۆكار، هەڵبژاردنی سەرۆكی ئەنجومەنی نوێنەران گرنگە و لەگەڵ ئەوەی ئێستا بڕیارە ڕۆژی شەممەی داهاتوو دەنگدانی پەرلەمان ئەنجام بدرێت، ئومێد هەیە زووتر سەرۆكی نوێی ئەنجومەنی نوێنەران دەستنیشان بكرێت.
سەبارەت بە هەڵبژاردنی پەرلەمانی هەرێمی كوردستانیش ئاماژەی بەوەدا: كە پێویستی بەپەلە هەیە بۆ هەڵبژاردن لە هەرێمی كوردستان، كە هەموو شتێك لەخۆ بگرێت و هیوادارە (یان باشتر: چاوەڕوان دەكرێت) كە دەنگدان بە كەمترین دواكەوتنی مومكین ئەنجام بدرێت، و لە هەموو حاڵەتەكاندا لە چوار مانگ درەنگتر نەبێت لە ئێستاوە، لەگەڵ پشكی نوێنەرایەتی كەمینەكان.
پلاسخارت لەبارەی هەڵبژاردنی هەرێمی کوردستانەوە وتی:بۆ رەوایەتی وەرگرتنەوەی دامەزراوەكانی حكومەتی هەرێمی كوردستان پێویستە هەڵبژاردنێكی شەفاف و پاك و بێگەرد لە هەرێم بەڕێوەبچێت.