کەشناسی: پێشبینی دەکرێت تاوەکو رۆژی یەک شەممەی داهاتوو باران و هەورەبروسکە بێت

23:18 2026-03-11 30969 عێراق 0

2026-03-11

30969

ئەمڕۆ چوارشەممە،دەستەی کەشناسی، وردەکاریی ڕوەشی کەشوهەوای وڵاتی بۆ ڕۆژانی داهاتوو ڕاگەیاند،کەتیایدا پێشبینی بارانبارینی بەردەوام ،تاوەکو رۆژی یەکشەممەی داهاتوو دەکات.
لە ڕاگەیەندراوێکی دەستەکەدا کە دەستی ئاژانسی موتەڵع کەوتووە ،تیایدا هاتووە: "سبەی پێنجشەممە، ئاسمان لە سەرتاسەری وڵاتدا هەور دەبێت لەگەڵ بارینی بارانی کەم لە ناوچەکانی باشوور،و پلەکانی گەرما لە هەردوو ناوچەکانی ناوەڕاست و باکوور کەمێک بەرز دەبنەوە و لە ناوچەکانی باشووریش کەمێک دادەبەزن.
وەک ڕاگەیەندراوەکە ئاماژەی پێداوە : بەرزترین پلەکانی گەرمای پێشبینیکراو بۆ سبەی پێنجشەممە لە سەرجەم پارێزگاکانی عێراق بەم شێوەیە دەبێت: لە دهۆک و سلێمانی 16،و هەولێر 18،و نەینەوا 19،و کەرکووک 21،و سەڵاحەدین و ئەنبار و بەسرا 22،و بەغداد و دیالە و نەجەفی ئەشرەف و کەربەلای پیرۆز و دیوانیە و موسەنا و زیقار 24،و میسان و واست و بابل 25 پلەی گەرمی دەبێت.
بەگوێرەی راگەیەندراوەکە: بۆ ڕۆژی هەینی،ئاسمان هەور دەبێت لەگەڵ بارینی بارانێکی کەمی پچڕپچڕ لە سەرتاسەری وڵاتدا،و پلەکانی گەرما لە ناوچەکانی ناوەڕاست هاوشێوەی ڕۆژانی پێشوو دەبن و لە ناوچەکانی باشوور کەمێک بەرز دەبنەوە و لە ناوچەی باکووریش کەمێک دادەبەزن،هەروەها مەودای بینین لە کاتی باراندا (5-7) کم دەبێت.
هەر بەگوێرەی راگەیەندراوەکە : ئاسمان بۆ ڕۆژی شەممە، بە گشتی هەور دەبێت لەگەڵ بارینی بارانی کەم لە هەردوو ناوچەکانی ناوەڕاست و باکوور،هەروەک لە بەشەکانی باکووری ناوچەکانی وڵاتدا بارانەکە زیاتر دەبێت،و پلەکانی گەرماش لە سەرتاسەری وڵات کەمێک لە چاو ڕۆژی پێشوو بەرز دەبنەوە، مەودای بینین لە کاتی باراندا (5-7) کم دەبێت.
لە کۆتایی راگەیەندراوەکەدا هاتووە : یەکشەممەی داهاتوو،ئاسمان هەور دەبێت،لەگەڵ بارینی بارانێکی مامناوەند و بەخوڕ ، کە هەورەبروسکەی لە چەندین شوێنی وڵاتدا لەگەڵدا دەبێت،و پلەکانی گەرماش لە هەردوو ناوچەکانی ناوەڕاست و باشوور بەرز دەبنەوە و لە ناوچەکانی باکووریش هاوشێوەی ڕۆژانی پێشوو دەبن،و مەودای بینین لە کاتی باراندا دەبێتە (5-7) کم.