کەشناسی پێشبینی کەش و هەوای ڕۆژانی داهاتووی بڵاوکردەوە ‏

12:46 2025-05-03 76249 عێراق 0

2025-05-03

76249

ئەمڕۆ شەممە دەستەی كەشناسی وردەكارییەكانی پێشبینییەكانی كەشوهەوای وڵاتی بۆ ڕۆژانی داهاتوو ڕاگەیاند.
‏لە بەیاننامەیەكی دەستەكەدا هاتووە : سبەی یەكشەممە، كەشوهەوا لە ناوچەكانی ناوەڕاست نیمچە هەور دەبێت، هەروەها لە ناوچەكانی باكور و باشوور هەور دەبێت، هاوكات با بە باشووری ڕۆژهەڵات دەبێت، خێراییەكەی مامناوەند دەبێت (20-30) كیلۆمەتر لە كاتژمێرێكدا لە سەرتاسەری وڵاتدا، ئەمەش دەبێتە هۆی بەرزبوونەوەی تۆز و خۆڵ لە ناوچەكانی ناوەڕاست و باشوور، و كەمێك هەور دەبێت و دابەزینی پلەكانی گەرما لە ناوچەكانی ناوەڕاست و باشوور.
‏ئاماژەی بەوەشكرد: بەرزترین پلەكانی گەرما بۆ سبەی یەكشەممە، لە دهۆك 31، هەولێر 32، سلێمانی 30، نەینەوا 33، كەركوك 35، سەڵاحەدین 37، بەغدا و دیالە 38، ئەنبار 36، بابل، كەربەلا و نەجەف 39، واست، دیوانیە و موسەننا 40، میسان و ناسریە 42 و بەسرە 44.
‏رۆژی دووشەممە، كەشوهەوا لە سەرتاسەری وڵات نیمچە هەور دەبێت، هاوكات بای باكوری ڕۆژئاوا دەبێت، مامناوەند بۆ چالاك (30-40) كیلۆمەتر لە كاتژمێرێكدا لە ناوچەكانی ناوەڕاست و باشوور دەبێتە هۆی بەرزبوونەوەی تۆز و خۆڵ ، هەروەها لە باشووری ڕۆژهەڵات، خێرایی مامناوەند لە ناوچەی باكور، هاوكات پلەكانی گەرما لە ناوچەكانی ناوەڕاست و باشوور چەند پلەیەك دادەبەزن، هاوكات لە ڕۆژی پێشوو نزیك دەبنەوە لە ناوچەی باكووردا.
‏رۆژی سێشەممە كەش و هەوا ساماڵ دەبێت لەگەڵ هەندێك هەور، هەروەها باكان بەرەو باكووری ڕۆژئاوا دەبێت، خێراییەكەی سووك بۆ مامناوەند دەبێت (10-20) كیلۆمەتر لە كاتژمێرێكدا لە سەرتاسەری وڵاتدا، لەكاتێكدا پلەكانی گەرما چەند پلەیەك لە سەرتاسەری وڵاتدا دادەبەزن.
‏پێشبینییەكانی كەشوهەوای ڕۆژی چوارشەممەی داهاتوو لە هەموو ناوچەكانی وڵات ساماڵ دەبێت و باكان بەرەو باكووری ڕۆژئاوا دەبێت، خێراییەكەی مامناوەند دەبێت (20-30) كم/كاتژمێر، ئەمەش دەبێتە هۆی بەرزبوونەوەی تۆز و خۆڵ لە ناوچەكانی باشوور، هاوكات پلەكانی گەرما چەند پلەیەك لە ناوچەكانی ناوەڕاست و باكوور بەرزدەبنەوە و نزیك دەبێتەوە لە ڕۆژی پێشوو لە ناوچەكانی باشوور.