حەموودی: یەکلانەکردنەوەی پۆستی سەرۆک کۆمار بووەتە هۆی دواکەوتنی ڕاسپاردنی کاندیدی سەرۆک وەزیران
سەرۆکی ئەنجومەنی باڵای ئیسلامی لە عێراق، شێخ هەمام حەموودی، تەئکیدی کردەوە کە یەکلانەکردنەوەی کاندیدی سەرۆکایەتی کۆمار بووەتە هۆی دواکەوتنی ڕاسپاردنی کاندیدی سەرۆکایەتی ئەنجومەنی وەزیران.
شێخ حەموودی لە (کۆڕبەندی گفتوگۆ)دا، بەپێی راگەیندراوێكی وسینگەی ڕاگەیاندنی کە دەست ئاژانسی موتەڵع کەوتووە، ڕایگەیاند: "دەوڵەتێک بە مێژوو و قووڵایی شارستانیی عێراق، و بە ئەزموونە دیموکراسییە بێوێنەکەی لە ناوچەکەدا، و بە قەبارەی قوربانیدانی ڕۆڵەکانی، ڕێگە نادات سوکایەتی بە بڕیارەکانی بکرێت و ئەمە تەحەدایەکە بۆ کەرامەتی نیشتمانی". ئاماژەی بەوەش کرد کە "سەرەڕای دیدگای هەندێک کە پێیان وایە پێویستە سازش بکرێت بە پاساوی پەرۆشی بۆ دۆخی ئەمنی و ئابووری، بەڵام دیدگای ئێمە ئەوەیە کە ئەمە تەحەدایە بۆ کەرامەتی نیشتمانیی عێراق، نەک تەنها بۆ تائیفە یان پێکهاتەیەک، بەڵکو بۆ هەموو عێراقییەکان".
شێخ هەمام حەموودی ئەوەیش وت : "کردنەوەی دەرگا بۆ دەستوەردانی دەرەکی لەژێر هەر پاساوێکدا بێت، واتە خۆشکردنی ڕێگا بۆ دەستوەردان لە داهاتوودا لە هەموو کاروبارانمان، ئێمە پەرۆشی سەربەخۆیی بڕیارەکانمانین و کەرامەتمان لە پێش هەموو شتێکەوەیە". تەئکیدی کردەوە کە "چوارچێوەی هەماهەنگی هەوڵ دەدات کات بقۆزێتەوە بۆ گۆڕینی هەڕەشەکان بۆ دەرفەت، لەسەر ڕێڕەوی دانوستان لەگەڵ ویلایەتە یەکگرتووەکان وەک دەوڵەت بۆ دەوڵەت، و مامەڵەکردن بەپێی ڕێککەوتنامەی چوارچێوەی ستراتیژی و لەسەر بنەمای ڕێزی یەکتر و تێگەیشتن لە خاڵە جیاوازەکان".
ئاماژەی بەوەش کرد کە "کوردەکان هاوبەشی ئێمەن و خاوەن پڕۆژەن، دواکەوتنی یەکلاییکردنەوەی کاندیدی سەرۆکایەتی کۆمار بووەتە هۆی دواکەوتنی ڕاسپاردنی کاندیدی سەرۆکایەتی وەزیران، هیوادارین لێیان کە کارلێک لەگەڵ دەسپێشخەرییەکەی چوارچێوەی هەماهەنگی بکەن و کات بەفیڕۆ نەدەن و بە زوویی کارەکانیان یەکلا بکەنەوە". ڕوونیشی کردەوە کە "کۆماری ئیسلامی وانەیەکی گەورەی لە ئازایەتی، متمانە بەخۆبوون، حیکمەتی بەڕێوەبردن و هێزی ئیمان بە خودا لە دانوستانەکانیدا لەگەڵ ویلایەتە یەکگرتووەکان نیشاندا".
لە کۆتاییدا وتی: "عێراق لەبەردەم تەحەدای گەورەدایە، بۆیە پەرۆشین بۆ ئاراستەگرتن بەرەو حکومەتێکی نیشتمانی بەهێز، هاوکار و کۆکەرەوەی هێزە نیشتمانییەکان کە لە پێداویستییەکانی قۆناغی داهاتوو تێبگات".
كلمات مفتاحية
اخبار ذات صلة
.webp)
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
