پورتوگال بڕیاری داوە دوای ڕاگرتنی جەنگ باڵیۆزخانەکەی لە بەغداد بکاتەوە
ئەمڕۆ هەینی ،وەزارەتی دەرەوە ڕایگەیاند : کە پورتوگال بڕیاری داوە دوای وەستانی جەنگ لە ناوچەکەدا،باڵیۆزخانەی پورتوگال لە بەغداد بکاتەوە.
لە ڕاگەیەندراوێکی وەزارەتی دەرەوەدا هاتووە : "فوئاد حوسێن"جێگری سەرۆک وەزیران و وەزیری دەرەوە، لە پەیوەندییەکی تەلەفۆنیدا لەگەڵ "باوڵۆ ڕانژێل " وەزیری دەرەوەی پورتوگال، پێشهاتە مەترسیدارەکانی ناوچەکە و ڕێگاکانی کەمکردنەوەی ئاڵۆزی و هەوڵدان بۆ هێورکردنەوەی دۆخەکەیان تاوتوێ کرد.
وەک ڕاگەیەندراوەکە ئاماژەی پێداوە : لەو پەیوەندییەدا، وەزیری دەرەوەی پورتوگال هاوسۆزیی تەواوی حکومەتی وڵاتەکەی بۆ حکومەت و گەلی عێراق دەربڕی بەرامبەر بەو ئاستەنگ و هێرشانەی ڕووبەڕووی خاکی عێراق دەبنەوە، و جەختیشی کردەوە کە جەنگی بەردەوام هەڕەشەیەکی فرەڕەهەندە، بەتایبەتی دوای ئەوەی بۆ وڵاتانی دیکەی ناوچەکەش پەرەی سەندووە.
ئاماژەی بەوەشکرد : کە حکومەتی پورتوگال لە چوارچێوەی یەکێتیی ئەوروپا و ڕەنگە بە هەماهەنگی لەگەڵ هاوپەیمانیی باکووری ئەتڵەسی (ناتۆ)، کار دەکات بۆ پەیوەندیکردن بە ویلایەتە یەکگرتووەکانی ئەمریکا بەمەبەستی گوشارخستن بۆ ڕاگەیاندنی ئاگربەست و گەڕانەوە بۆ سەر ڕێڕەوی دانوستانەکان.
بەپێی ڕاگەیەندراوەکە "فوئاد حوسێن "سوپاسی وەزیری دەرەوە و حکومەتی پورتوگالی کرد بۆ هەڵوێستی هاوسۆزییان لەگەڵ گەلی عێراق لە ڕووبەڕووبوونەوەی ئەو هێرشانەی دەکرێنە سەریان.
جەختیشیکردەوە : کە جەنگی بەردەوام کۆمەڵێک کێشەی دروست کردووە کە لەوانەیە لەگەڵ تێپەڕبوونی کاتدا ببنە قەیرانی ئاڵۆز.
ئاماژەی بەوەشکرد : کە نەتوانینی هەناردەکردنی نەوت یان کەمکردنەوەی بەرهەمهێنانەکەی بووەتە هۆی کێشەی گەورە کە ڕەنگە پەرە بسێنێت و کاریگەری لەسەر بازاڕی نەوت و وزە دابنێت و ڕەنگدانەوەی نەرێنی لەسەر ئابووریی ئەوروپا هەبێت، تەنانەت ڕەنگە بەهۆی بەرزبوونەوەی نرخی بەنزینەوە ببێتە هۆی دروستکردنی کێشە لەناوخۆی ویلایەتە یەکگرتووەکانی ئەمریکادا.
فوئاد حوسێن ڕوونیکردەوە : کە مەترسیی جەنگ بۆ عێراق تەنها لە هێرش و تێکدانی دۆخی ئەمنییدا نییە، بەڵکو دەگاتە ئەگەری پەککەوتنی هەناردەکردنی نەوت بەهۆی مەترسییە سەربازییەکان لە گەرووی هورمز، ئەمەش پێویستی بە دۆزینەوەی دەرچەیەکی ڕاستەقینە بۆ قەیرانەکە هەیە کە بریتییە لە ڕاگەیاندنی ئاگربەست و گەڕانەوە بۆ سەر ڕێڕەوی دیپلۆماسی.
لە کۆتایی ڕاگەیەندراوەکەدا هاتووە: وەزیری دەرەوەی پورتوگال خواستی وڵاتەکەی بۆ پەرەپێدانی پەیوەندییە دوولایەنەکان لەگەڵ عێراق دووپات کردەوە و ئاماژەی بەوەشکرد کە پورتوگال بڕیاری داوە دوای وەستانی جەنگ لە ناوچەکەدا، باڵیۆزخانەی پورتوگال لە بەغداد بکاتەوە
كلمات مفتاحية
اخبار ذات صلة
.webp)
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
