نەعیم قاسم: بەرخۆدان پلانە گەورەکەی قەوارەی زایۆنی پووچەڵکردەوە

15:26 2025-01-18 83681 عەرەبی و نێودەوڵەتی 0

2025-01-18

83681

نەعیم قاسم ئەمینداری گشتیی حیزبوڵڵای لوبنان، ئەمڕۆ شەممە، پشتڕاستی کردەوە کە خەباتکاران و گەلی فەلەستین پلانی گەورەی زایۆنیستیان پووچەڵ کردەوە،کەچی ئاماژەی بەوەدا کە ناکۆکییەکانی ناو ئەو قەوارەیە زیاتر دەبن وهیچ چارەسەرێک لە ئارادا نییە جگە لە گەڕاندنەوەی فەڵەستین بۆ ناو گەلەکەی.
نەعیم قاسم لە وتارێکدا کە ئاژانسی "موتەڵع" بەدواداچوونی بۆ کرد، ڕایگەیاند : پیرۆزبایی لە گەلی فەڵەستین و خۆڕاگرییان دەکەین لەسەر ئەم ڕێککەوتنە، کە بەڵگەیە بۆ خۆڕاگریی ئەو بەرخۆدانەی کە ئەوەی ویستبووی بەدەستیهێنا، دوژمنیش نەیتوانی ئەوەی ویستویەتی بەدەستی بهێنێت، مێژووش پێگەی غەززە لەو قوربانیدانانەدا تۆمار دەکات کە بۆ شکاندنی پڕۆژەی دوژمنی زایۆنیستی دراوە"،ئاماژەی بەوەشکرد، "ئێمە ئارامگر بووین لەگەڵ پێشێلکارییەکان بۆ ئەوەی دەرفەتێک بدەین بۆ جێبەجێکردنی ئەم ڕێککەوتنە، بەڵام داواتان لێدەکەم ئارامگرییمان تاقی نەکەنەوە".
وتیشی: لوبنان و حیزبوڵڵا سەروەری شەهیدانی میللەت سەید حەسەن نەسروڵڵایان لە پێشەنگی لیستەکەدا پێشکەش کرد و سەید هاشم سەفیەدین و زۆرێک لە شەهیدان و بریندارەکانیشیان پێشکەش کرد، ئاماژەی بەوە کرد کە "حزبوڵڵا ڕێگری لە ئامانجی قەوارەی زایۆنیستی کرد بۆ." کۆتایی بە بەرخۆدان لە لوبنان بهێنن، کە بە شانازییەوە و بە سەری بەرزەوە مایەوە”.

قاسم ئاماژەی بەوەدا کە "ڕۆڵی ئێمە لە حزبوڵڵا و بزووتنەوەی ئەمەل بووە هۆی هەڵبژاردنی سەرۆکی کۆمار و کەس ناتوانێت پەراوێزمان بخات"، داوایشی لە دەوڵەتی لوبنان کرد "توندی بێت لە ڕووبەڕووبوونەوەی ئەو پێشێلکاریانەی کە سەدان پێشێلکاری تێپەڕاندووە ونابێت ئەمەش بەردەوام بێت".
ئەمینداری گشتی سڵاوی ئاڕاستەی "عێراقی سەربەرز، بە مەرجەعییەت و گەل و حەشدی شەعبی و پشتیوانی بۆ دۆزی فەلەستین کرد،وهەروەها بۆ وڵاتی یەمەن و سەرکردەی خۆڕاگر سەید عەبدولمەلیک و گەلەکەی، بەو قوربانیدانانەی کە داویانەوبەردەوامیان لەخۆڕاگری".