سودانی و مەدبولی بەشداری لە کۆڕبەندی ئابووری عێراق و میسر دەکەن

21:54 2025-01-30 95605 عێراق 0

2025-01-30

95605

سەرۆکی ئەنجومەنی وەزیران محەمەد شیاع سودانی و سەرۆک وەزیرانی میسر بەشداریان لە کۆڕبەندی ئابووری عێراق و میسر کرد
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا بڵاویکردەوە
سەرۆکی ئەنجومەنی وەزیران محەمەد شیاع سودانی و سەرۆک وەزیرانی میسر مستەفا مەدبولی، ئامادەی کۆڕبەندی ئابووری عێراق و میسر بوون کە ئەمڕۆ پێنجشەممە لە بەغداد بەڕێوەچوو، بە بەشداری هەردوو ژووری بازرگانی عێراق و میسر و ئامادەبوونی زیاتر لە 300 بازرگانی هەردوو وڵات، و کۆڕبەندەکە تەرخانکرابوو بۆ تاوتوێکردنی دەرفەتەکانی هاوکاری هاوبەش لە بوارە جیاجیاکاندا.

سودانی لە میانەی وتارەکەیدا لە کۆڕبەندەکە، ئاماژەی بە قووڵایی پەیوەندییە مێژوویی و کولتوورییەکانی نێوان عێراق و میسر و ئەو پەیوەندییە کۆمەڵایەتی و ئابوورییانە کرد، کە بناغەیەکی تۆکمە بۆ هاوبەشی دوولایەنە و دەرفەتی هاوبەش پێکدەهێنن، بەتایبەتی بۆ کەرتی تایبەت، بۆ کارکردن لە هەموو بوارە ئابوورییەکان، چ لە عێراق بێت یان لە میسر.
سودانی ئاماژەی بەوەکرد کە چاکسازییە ئابوورییەکان بەهەموو ڕەهەندە بانکداری و کارگێڕی و باج و وەبەرهێنانەکانییەوە زەمینەی بۆ کارکردنی کۆمپانیا میسرییەکان و هاوبەشی بەرچاو لەگەڵ کەرتی تایبەتی عێراقی ڕەخساندووە، و هەوڵدەدەین چالاکییەکانیان بەرەو دەرفەت و بوارەکانی کاری زیاتر ببەین لەگۆڕەپانی میسر"ـیشدا.

لە لای خۆیەوە سەرۆک وەزیرانی میسر جەختی لەسەر بوونی ئیرادەیەکی سیاسی و جەماوەری میسری کردەوە بۆ هاوکاری و هاوبەشی لەگەڵ عێراقدا، بۆ ئەوەی ببێتە قەڵایەکی پیشەسازی و کشتوکاڵی و ئابووری و خزمەتگوزاری، و ئاماژەی بەو هەلومەرجە کرد کە ئێستا ناوچەکە پێیدا تێدەپەڕێت، و پێویستی بە هەنگاونان بەرەو یەکگرتنی ئابووری و هەماهەنگی سیاسی هەیە بۆ بەرژەوەندی هەردوو گەلی عێراق و میسر بەرەو پێشکەوتن و گەشەسەندنی زیاتر.