رێكخراوێكی ژینگە پەیامێکی لەبارەی پێدانی جەژنانە بە ژینگەپارێزان بڵاوکردەوە

02:19 2025-03-27 48399 كوردستان 0

2025-03-27

48399

ڕێكخراوی ئاینده‌ بۆ پاراستنی ژینگه‌ رایگەیاند وه‌كو وه‌فایه‌ك بۆ ژینگە پارێزان خۆتان ده‌ستپێشخه‌ری بكه‌ن و جه‌ژنانه‌ و دیارییان پێبده‌ن.
‏
‏ڕێكخراوی ئاینده‌ بۆ پاراستنی ژینگه‌ له‌په‌یامێكدا رایگەیاند، "سه‌باره‌ت به‌ بڕیاری هه‌ندێك له‌ كۆمپانیاكانی تایبه‌ت به‌ پاككه‌ره‌وه‌، كه‌ ساڵانه‌ له‌ مانگی ڕه‌مه‌زان و به‌شێك له‌ بۆنه‌كانی تر ئاماژه‌ به‌وه‌ ده‌كه‌ن، هه‌ر ژینگه‌پارێزێك داوای جه‌ژنانه‌ بكات ئه‌وا به‌ بڕی 500 هه‌زار دینار سزا ده‌درێن".
‏
‏ئاماژه‌ی به‌وه‌كردوه‌، "به‌ ئه‌ركی سه‌رشانی خۆمان ده‌زانین به‌رگری له‌ ژینگه‌پارێزان بكه‌ین، ماوه‌ی ده‌ ساڵه‌ داوا له‌ هاوڵاتیان ده‌كه‌ین جه‌ژنانه‌ و دیاری بده‌ن به‌ ژینگه‌پارێزان، پێش ئه‌وه‌ی خۆیان داوا بكه‌ن، بۆ ئه‌وه‌ی بیانو نه‌درێته‌ ده‌ست كۆمپانیاكان سزایان بده‌ن".
‏
‏ده‌ڵێت، "هه‌ر ئه‌مڕۆ په‌یوه‌ندیمان به‌ وه‌زاره‌تی كارو كاروباری كۆمه‌ڵایه‌تییه‌وه‌ كرد سه‌باره‌ت به‌و سزایه‌، ئاماژه‌یان به‌وه‌ كرد،(هیچ یاسایه‌ك) تایبه‌ت به‌و سزایه‌ بونی نیه‌، واته‌ ئه‌و بڕیاره‌ كۆمپانیاكان خۆیان داویانه‌.
‏
‏ئه‌وه‌یخستۆته‌ڕو، "ئێمه‌ داوا له‌ كۆمپانیاكانی تایبه‌ت به‌ ژینگه‌پارێزان ده‌كه‌ین، بیر له‌ باشتركردن و چاكتركردنی ژیانی ژینگه‌پارێزان بكه‌نه‌وه‌ بۆ ئه‌وه‌ی ئه‌وانیش داوای جه‌ژنانه‌ له‌ خه‌ڵكی نه‌كه‌ن".
‏
‏ڕێكخراوەکە باسی له‌وه‌شكرد، "داوا له‌ هاوڵاتیان و دوكاندار و شوێنه‌ گشتییه‌كان ده‌كه‌ین وه‌كو وه‌فایه‌ك خۆیان ده‌ستپێشخه‌ری بكه‌ن و جه‌ژنانه‌ و دیارییان پێبده‌ن، پێش ئه‌وه‌ی خۆیان داوا بكه‌ن، دڵنیابن ماڵ به‌ به‌خشین كه‌م ناكات".