سەرۆکی ئەنجومەنی وەزیران محەمەد شیاع سودانی، جەختیکردەوە لەسەر بەردەوامی چاکسازی بانکی و بەڕێوەبەرانی بانکەکان ڕادەسپێرێت ڕێکارەکان ئاسان بکەنەوە و هانی هاووڵاتیان بدەن بۆ دانانی پارەکانیان تێیدا
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە"سەرۆکی ئەنجومەنی وەزیران محەمەد شیاع سودانی، ئەمڕۆ دووشەممە سەرۆکایەتی کۆبوونەوەیەکی سەرۆکی ئەنجومەنی بەڕێوەبەرانی بانکەکانی عێراقی کرد و تێیدا میکانیزمەکانی جێبەجێکردنی پلانەکانی چاکسازی بانکی کە حکومەت ئامادەی کردووە لەچوارچێوەی چاکسازییە گشتگیرەکانی کەرتی ئابووری تاوتوێکرا.

وتیشی سودانی جەختی لەوە کردەوە کە سەرجەم کەرتەکانی دەوڵەت پەیوەستن بە هەبوونی سیستەمێکی بانکی کاریگەرەوە و پشت بە تەکنەلۆژیای مۆدێرن دەبەستێت و ئاماژەی بەوەکرد حکومەت پلانێکی گشتگیری گرتۆتەبەر بۆ چاکسازی بانکی و گرێبەست لەگەڵ کۆمپانیا تایبەتەکان و ووردبینی دارایی بۆ هەموو بانکەکان و هەنگاوی گەورەی لە جێبەجێکردندا ناوە، و ئاماژەی بەوەکرد کارەکانی بانکی ڕافیدەین بە شێوە و دیدێکی نوێ و بە هاوبەشی لەگەڵ بانکە تایبەتمەند و ناسراوەکان دەست پێدەکات.

سەرۆک وەزیران بەپێی ڕاگەیەندراوەکە ئاماژەی بە داڕشتنی نەخشەیەکی ڕوون کرد بۆ چارەسەرکردنی بارودۆخی کەرتی بانکداری تایبەت، وەک هاوبەشێک لە گەشەپێدان و جەختی لەسەر پێویستی هاوکاری لە قۆناغی داهاتوودا بۆ هەنگاوی کاریگەر و چاکسازی ئابووری کردەوە، و دوورکەوتنەوەی دەوڵەتی لە دەستێوەردانی ورد لە کەرتەکانی دووپاتکردوە، و ئاماژەی بە کارکردن کرد بۆ یەکخستنی کەرتی تایبەت و کۆمپانیا بیانییەکان لە سەرجەم پڕۆژە گەورەکاندا هەروەها، پاڵپشتیکردنی کەرتی بەرهەمهێنانی ناوخۆیی و لەخۆگرتنی نەختینەی هاوردە لە پێشکەشکردنی کاڵا و خزمەتگوزاری ناوخۆیی بۆ هاووڵاتیان بۆ ئەوەی ببێتە جێگرەوەی هاوردەکردن و دەستەبەرکردنی پشتیوانی بۆ وەبەرهێنانی ناوخۆیی.

سودانی بانکەکانی ڕاسپارد ڕێوشوێنەکان ئاسان بکەن و بەشداری فراوان بکەن لە پرۆسەی گەشەپێدان هەروەها بەشداری کردن وەک وەبەرهێنەر لە هەموو دەرفەتەکانی بەردەست و هەنگاونان بەرەو هاوبەشی لەگەڵ کۆمپانیا بیانییەکان و کار بکەن بۆ دروستکردنی متمانە لەگەڵ هاووڵاتیان، بەشێوەیەک بەشدار بێت لە دڵنیاکردنەوەی پارەدان لە بانکەکاندا.

لە لای خۆیانەوە سەرۆکی ئەنجومەنی بانکە عێراقییەکان سوپاسی حکومەتیان کرد، بۆ پشتیوانی کردنی بانکەکان و هاوکارییەکانیان لەچارەسەرکردنی کێشەکانیان و جەختی لەبەرزبوونەوەی پێوەرە بەرزەکانی متمانە و پشتبەستن بەدارایی کردەوە و ئاماژەیان بە زیادبوونی ئاڵوگۆڕی بازرگانی لەڕێگەی پارەدانی ئەلیکترۆنییەوە لە1.7 تریلیۆن دینار لەساڵی 2020 بۆ 21 تریلیۆن دینار لەساڵی 2024 کرد و جەختیان لەئامادەیی کردەوە بۆ خۆجێی کردنی مووچەی فەرمانبەرانی کەرتی تایبەت و پابەندبوونیان بەپێکهاتەی بانکەکانی عێراق و پلانی (ئۆلیڤەر وایمان)ـەوە کە چارەسەرێکی گشتگیر دەبێت بۆ زۆربەی ئەو کێشانەی کە بەدەست کەرتی بانکەوە دەناڵێنن.