وەزیری دەرەوەی ئێران لە لوتکەی وتووێژی ئێران و جیهانی عەرەبیدا ڕایگەیاند کە مرۆڤ ناتوانێ چاوی لە ستەم لە سەر گەلی فەلەستین دابخات و دەشڵێت: ڕژێمی زایۆنی گرینگترین سەرچاوەی هەڕەشە بۆ سەر ئاشتی لە ناوچەکەدایە.
عەباس عێراقچی، وەزیری دەرەوەی ئێران کە سەفەری بۆ دەوحەی قەتەر کردووە، لە وتارەکەیدا لە لوتکەی وتووێژی ئێران و جیهانی عەرەبی وتی: ئەمە دەرفەتێکە بۆ قسەکردن لەگەڵ ڕۆشنبیران و بیرمەندانی ناوچەکە بە مەبەستی باشترکردنی کارلێک و لێکتێگەیشتن لە نێوان ئێران و جیهانی عەرەبی.
عێراقچی بە ئاماژەدان بەوەی کە ناوچەکەمان لە مێژە لانکەی شارستانییەتە کۆنەکان و بیرۆکەی بەرز و کولتوورە دەوڵەمەندەکانە، جەختی لەوە کردەوە: "ئەمڕۆ زیاتر لە جاران پێویستمان بە لێکتێگەیشتن و یەکدەنگییە".
وەزیری دەرەوەی ئێران بە ئاماژە بە هەڕەشەی ڕژێمی زایۆنی بۆ سەر ئاشتی ناوچەیی جەختی کرد: بە پشتیوانی کردن لە ڕژێمی زایۆنی، ئەمریکا خۆی خستۆتە پێگەی هاوبەش و هاوبەشێک لە تاوانەکانی ڕژیم. بیرۆکەی دوو دەوڵەت کە بۆ دەیان ساڵ بەهۆی وەهمی دروستبوونیەوە دواکەوتبوو، بۆ بەدیهێنانی مافەکانی گەلی فەلەستین، ئێستا بە فەرمی لەلایەن ڕژێمی زایۆنیستی ڕەتکرایەوە و ئەم ڕژێمە بێبەزەییانە لە ڕێگەی ترسناکترین شێوازەکانی جینۆساید و ئاوارەبوونی زۆرەملێیەوە بەدواداچوون بۆ ڕیشەکێش کردنی گەلی فەلەستین دەکات.

عێراقچی ئاماژەی بەوەدا: پرسی فەلەستین ئەمڕۆ لە جاران گەورەتر و گرنگتر بووە. ڕاگرتنی جینۆساید لە فەلەستین و ڕێگریکردن لە پڕۆژەی سڕینەوەی نەتەوەی فەلەستین دەبێت بەرپرسیارێتییەکی یاسایی و ئەخلاقی و ستراتیژی بێت بۆ هەموومان. لە هەمان کاتدا ناتوانین چاوپۆشی لە فراوانخوازی مەترسیدار و شەڕخوازی بەردەوامی ڕژێمی زایۆنیستی لە ناوچەکەدا بکەین.

وەزیری دەرەوەی ئێران ئامانجی دەستدرێژی ڕژێمی زایۆنی بۆ سەر یەمەنی  بە لاوازکردنی وڵاتانی ئیسلامی زانی و درێژەی دا: ئامانجی ڕژێمی زایۆنی لەم دەستدرێژیانەدا، لە ناوبردن و لاوازکردنی وڵاتانی ئیسلامی و داگیرکردنی زۆرترین خاکی وڵاتانی ناوچەکەیە. ڕووبەڕووبوونەوەی ئەم خراپیانە ئەرکی یاسایی و ئەخلاقی هەموو حکومەتەکانی ناوچەکەیە.

عێراقچی لە وتارێکدا بۆ بەشداربووانی لوتکەی وتووێژی  ئێران و جیهانی عەرەب وتی: بەڕێزان، پێمان وایە تەنیا بە بەهێزکردنی گوتارێکی ناوچەیی، گوتارێک کە لەسەر بنەمای ڕێزگرتن، پێکەوەژیان  و بە لەبەرچاوگرتنی بەرژەوەندییە ڕەواکانی هەموو لایەنەکان، دەتوانین بەرەو گەیشتن بە داهاتوویەکی ئەمن و سەقامگیر هەنگاو بنێین. بۆ ئەم مەبەستەش پێویستە متمانە و لێکتێگەیشتن بەهێز بکەین.
عێراقچی هەروەها لەبارەی دانوستانە ناڕاستەوخۆکانی نێوان ئێران و ئەمریکا کە سبەینێی خولی چوارەمی بەڕێوە دەچێت، وتی: کۆماری ئیسلامیی ئێران بەدەستهێنانی چەکی ناوکی بە حەرام دەزانێت و هەمیشە ئەندامێکی پابەندبووی ڕێکحراوەی نێودەوڵەتی نەهێشتنی چەکی ناڤۆکی بووە، بەڵام لە هەمان کاتدا پێداگری لەسەر مافی خۆی دەکات بۆ بەکارهێنانی ئاشتیانەی وزەی ئەتۆمی.