هەردوو سەرۆک کۆمار و دادگای فیدراڵی دۆزینەوەی چارەسەری کۆتایی بۆ مووچەی فەرمانبەرانی هەرێم دووپات دەکەنەوە

16:06 2025-06-15 110759 عێراق 0

2025-06-15

110759

سەرۆک کۆماری عێراق له‌ بەغدا پێشوازی لە سەرۆکی دادگای باڵای فیدراڵی كرد جەختی کردەوە لەسەر دۆزینەوەی چارەسەری کۆتایی بۆ خەرجکردنی پارەی موچه‌ی فەرمانبەرانی هەرێم و چارەسەرکردنی ئەم پرسە مرۆییە بەپێی دەستور و یاسا و بڕیارەکانی دادگای فیدڕاڵی، هەروەها تیشکی خستە سەر پابەندبونی سەرۆکایەتی کۆمار بە جێبەجێکردنی دەستور و پابەندبون بە بڕگەکانی و پاڵپشتیکردنی دەسەڵاتی دادوەری.
ڕاگه‌یاندنی سه‌رۆكایه‌تی كۆماری عێراق بڵاویكرده‌وه‌، د. له‌تیف ڕه‌شید، سه‌رۆك كۆمار پێشوازیكرد له‌ جاسم محەمەد عەبود، سه‌رۆكی دادگای فیدڕاڵی و باسیان لە ڕێگاکانی پاراستنی هەماهەنگی و هاوکاری نێوان سەرۆکایەتی کۆمار و دادگای فیدڕاڵی کرد بۆ بەدیهێنانی یەکگرتویی نێوان دەسەڵاتداران، سەرۆک کۆمار جەختی لە بەهێزکردنی سەروەری یاسا و سەربەخۆیی دەسەڵاتی دادوەری کردەوە، بەو پێیەی زامنی چارەسەرکردنی هەمو ناکۆکیەکانە.
د. له‌تیف ڕه‌شید جەختیشی کردەوە لەسەر دۆزینەوەی چارەسەری کۆتایی بۆ خەرجکردنی پارەی موچه‌ی فەرمانبەرانی هەرێم و چارەسەرکردنی ئەو پرسە مرۆییە بەپێی دەستور و یاسا و بڕیارەکانی دادگای فیدڕاڵی، هەروەها تیشکی خستە سەر پابەندبونی سەرۆکایەتی کۆمار بە جێبەجێکردنی دەستور و پابەندبون بە بڕگەکانی و پاڵپشتیکردنی دەسەڵاتی دادوەری.

لایخۆیەوە دادوەر جاسم محەمەد عەبود جێبەجێکردنی ئەرکەکانی دادگای فیدڕاڵی بەپێی دەستور و یاسا و دەستەبەرکردنی بەرژەوەندی و مافەکانی خەڵک و پتەوکردنی یەکێتی نەتەوەیی دوپاتکردەوە.

جەختی لە چارەسەرکردنی قەیرانی موچەی فەرمانبەرانی هەرێم بەپێی یاسا کردەوە، پاڵپشتی و هاوکاری جەنابی سەرۆک کۆمار و سەرۆکایەتی هەرێمی بەرزنرخاند بۆ کارەکانی دادگا و ڕێکارە یاساییەکانی.