ئیسرائیل 4500 جار پێشێلكاری سەروەری خاکی لوبنانی كردوه‌ ‏

22:06 2025-09-18 33432 عەرەبی و نێودەوڵەتی 0

2025-09-18

33432

ئەمڕۆ پێنجشەممە،سوپای لوبنان ئاماژەی بەوەکرد، ئیسرائیل به‌رده‌وامه‌ له‌ هێرشه‌كانی بۆ سه‌ر هاوڵاتیانی لوبنان، وچەندی گوندی باشوری كردوەتە ئامانج و له‌دوای ئاگربه‌سته‌وه‌ چوار هه‌زار و 500 پێشێلكاری کردوەتە سەر سەروەریمان.
سوپای لوبنان له‌ راگه‌یه‌ندراوێكدا بڵاویكرده‌وه‌، هێزه‌كانی ئیسرائیل له‌ چه‌ند ناوچه‌یه‌كی دانیشتوانه‌دا خه‌ڵكی سڤیلیان كردۆته‌ ئامانج و له‌ ئه‌نجامدا كوژراو و برینداری لێكه‌وتوه‌ته‌وه‌.
‏لە ڕاگه‌یه‌ندراوه‌كه‌دا هاتووە، "هه‌مو ئه‌مانه‌ هاوكاته‌ له‌گه‌ڵ پێشێلكارییه‌ به‌رده‌وامه‌كانی ئیسرائیل بۆ سه‌ر سه‌روه‌ری لوبنان له‌ ڕێگه‌ی وشكانی، ده‌ریایی و ئاسمانییه‌وه‌، هه‌روه‌ها هێرشه‌ به‌رده‌وامه‌كانی بۆ سه‌ر دانیشتوانی گونده‌ سنورییه‌كان، له‌وانه‌ش هه‌ڵدانی بۆمبی مۆلۆتۆڤ و ته‌قاندنه‌وه‌ی ماڵه‌كان".

جه‌ختكراوه‌ته‌وه‌ "ئه‌م هێرش و پێشێلكاریانه‌ ڕێگرن له‌ جێگیربونی سوپا له‌ باشور، به‌رده‌وامیشیان ده‌بێته‌ ڕێگر له‌به‌رده‌م جێبه‌جێكردنی پلانه‌كه‌یدا، كه‌ له‌ ناوچه‌ی باشوری ڕوباری لیتانییه‌وه‌ ده‌ستپێده‌كات".

‏سوپای لوبنان باسی له‌وه‌شكردوه‌، "له‌ چوارچێوه‌ی ئۆپه‌راسیۆنه‌ به‌رده‌وامه‌كانی ڕوپێوی ئه‌ندازیاری له‌ ناوچه‌كانی باشور، یه‌كه‌یه‌كی سه‌ربازیی تایبه‌تمه‌ند ئامێرێكی سیخوڕیی خۆدزینه‌وه‌یان دۆزیه‌وه‌ كه‌ له‌لایه‌ن ئیسرائیله‌وه‌ دانرابو".

‏