ئەمڕۆ هەینی محەمەد شیاع سودانی سەرۆكی ئەنجومەنی وەزیران دووپاتی كردەوە كە ڕێژەی زۆری دەنگدەران لە هەڵبژاردنەكانی ئەم دواییەی پەرلەمانی كوردستاندا بێ وێنە و چاوەڕواننەكراو بووە.
لە بەیاننامەیەكدا كە بە ئاژانسی موتەڵع گەیشتووە و سودانی ڕایگەیاند : لە هەڵبژاردنی ئەم دواییەی پەرلەمانی عێراق لەگەڵ ژمارەیەك كاندیدی براوەی هاوپەیمانی كۆبووینەوە، بە ئامادەبوونی ئەیاد عەلاوی سەرۆك وەزیرانی پێشووی عێراق و ئەحمەد ئەسەدی وەزیری كار و چەند كەسایەتییەكی دیاری و لایەنگرانی هاوپەیمانی.
ووتیشی : سوپاس و پێزانینی خۆمان ئاراستەی سەرجەم سەركردە و پایە هەڵبژاردنەكانی هاوپەیمانی ئاوەدانكردنەوە و گەشەپێدان كرد بۆ هەوڵەكانیان، كە بەشداربوون لە بەدەستهێنانی ئەنجامی بەرچاو لە هەڵبژاردنی پەرلەماندا.
سودانی ئاماژەی بەوەشكرد : هەڵبژاردنەكانی ئەم دواییەی پەرلەمانیش شاهیدی گەڕانەوەی متمانەی نێوان خەڵك و پرۆسەی سیاسی بوو لەڕێگەی بەشداریكردنی بەرفراوان و بێوێنەی ساڵانی ڕابردوو، ڕێژەی بەشداریكردنی دەنگدەران كە لە 56% تێپەڕیبوو، چاوەڕواننەكراو بوو، هەروەها دامەزراوە نێودەوڵەتی و هەرێمییەكان بەشداریی دەنگدەران بە پێوەرێك دەزانن، ئەمەش ڕەنگدانەوەی متمانەی گشتییە بە پرۆسەی سیاسیی هەنووكەیی، ڕوونیشیكردەوە،پرۆژەی ئاوەدانكردنەوە و گەشەپێدان بەردەوامە لە ڕێبازە چاكسازییەكەی، كاردەكات بۆ ڕاستكردنەوەی ڕێڕەوی خۆی و جێبەجێكردنی خواستەكانی گەلی عێراق.
جەختی لەوە كردەوە : كە حكومەت و هاوپەیمانی ئاوەدانكردنەوە و گەشەپێدان بەر لە هەڵبژاردنەكان تووشی هەڵمەتێكی زانیاری هەڵە و شێواندن بوون، بە ئەگەرێكی زۆرەوە گومانەكان بەردەوام بن سەبارەت بە سەركەوتنی لیستەكە و نزیكەی یەك ملیۆن و 400 هەزار دەنگ كە بەدەستی هێناوە- ژمارەیەك كە لە هیچ قەوارەیەكی سیاسی دیكەدا لە هیچ هەڵبژاردنێكدا هاوتای نەبووە.
دووپاتیشی كردەوە : كە سەركردایەتی هاوپەیمانی بەشداری دانوستان دەكات بۆ گەیشتن بە پڕۆژەیەكی پەرلەمانی-حكومی كە توانای بەدیهێنانی خواستی هاووڵاتیان و چارەسەركردنی ئاستەنگەكانی ئێستای هەبێت.
ئاماژەی بەوەشكرد : لەدەستدانی متمانەی گشتی بە هەڵبژاردنەكان نوێنەرایەتی گەورەترین زیان دەكات بۆ پرۆسەی سیاسی، بۆیە زۆر گرنگ بوو ئەم متمانەیە بگەڕێنرێتەوە، ڕوونیشی كردەوە كە ئێستا جیهان ئاگادارە كە گەلەكەمان هەڵبژاردنی خۆی كردووە و ڕێژەی بەشداریكردنی دەنگدەران زیادی كردووە، ئاماژەی بەوەشكرد هاوپەیمانی ئاوەدانكردنەوە و گەشەپێدان پڕۆژەیەكی نیشتمانییە كە كەسایەتییە سیاسی و نیشتیمانییەكان لەخۆدەگرێت كە باوەڕیان بە پڕۆژەی ئاوەدانكردنەوە و گەشەپێدان هەیە، هەروەها ئەو دەنگانەی لە پارێزگا جیاجیاكان وەرمانگرتووە، دەرخەری متمانەی خەڵكە بە پڕۆژەكەمان، ئاماژەی بەوەشكرد، وەرگرتنی ئەم ژمارە دەنگە تەحەدایەك بۆ ئێمە دەخاتە بەردەم كە خزمەتگوزاری لە ئاستێكدا بگونجێت كە لەگەڵ خواستەكانی ئەو هاوڵاتیانەدا بگونجێت كە بەشدارییان لە هەڵبژاردنەكاندا كردووە و ئەم متمانەیەیان پێبەخشیوین.
سودانی ووتیشی: ئەدای حكومەت هۆكارێكی سەرەكی بوو بۆ گەڕانەوەی متمانەی گشتی بۆ پرۆسەی سیاسی، ئاماژەی بەوەشكرد هەوڵەكانمان دوو هێندە دەكەین، وە بەشێكی زۆری ئەو شتانە بەدەستدەهێنین كە لە ماوەی پێشوودا دەستمان پێكردووە، ئاوەدانكردنەوە لە عێراق بۆ زیاتر لە بیست ساڵ بەردەوام دەبێت، هەروەها كاردەكەین بۆ بەرزكردنەوەی گەشەپێدان لە كەرت و بوارە جیاوازەكاندا.