كشتوكاڵ: پەسەندكردنی سیاسەتی كشتوكاڵی زیرەك لە كەشوهەوا وەك ستراتیژییەكی نیشتمانی

23:09 2025-11-29 37123 عێراق 0

2025-11-29

37123

ئەمڕۆ شەممە وەزارەتی كشتوكاڵ پەسەندكردنی سیاسەتی كشتوكاڵی زیرەك لە كەشوهەوا وەك ستراتیژییەكی نیشتمانی بۆ ڕووبەڕووبوونەوەی گۆڕانكارییە ژینگەییەكان پشتڕاستكردەوە. ئەم ستراتیژە پشت بە نوێترین تەكنەلۆژیا دەبەستێت بۆ بەرزكردنەوەی بەرهەمهێنان و پاراستنی ئاو، هەروەها وەرگرتنی جۆرەكانی بەرهەمی ستراتیژی بە بەرهەمهێنانی بەرز لەخۆدەگرێت.
بریكاری وەزیری كشتوكاڵ مەهدی سهر جبوری بەپێی ئاژانسی هەواڵی عێراقی کەموتەڵع بەدواداچوونی بۆ کردووە ڕاگەیاند: لە بەرامبەر تەحەددیاتی گۆڕانی كەشوهەوا و كەمی ئاو لە عێراق، وەزارەت هەنگاوی ناوە بۆ جێبەجێكردنی سیاسەتی گونجاندن و كەمكردنەوەی لە ڕێگەی كشتوكاڵی زیرەكی كەشوهەوا،ڕوونیكردەوە كە ئەم سیاسەتە لەسەر بنەمای پەرەپێدان و چاندنی جۆرەكانی ڕووەك دامەزراوە كە تایبەتمەندن بە بەرهەمهێنانی بەرزیان، توانای بەرزتر بۆ بەرگەگرتنی وشكەساڵی و شووتی و ماوەی كورتی گەشەكردن و پێگەیشتن.
سەبارەت بە بەرهەمە ستراتیژییەكان، جبوری ئاماژەی بە : بازدانێكی چۆنایەتی لە چاندنی برنجدا كرد لە ڕێگەی وەرگرتنی چاندنی سینی (چاندنی میكانیكی) و ئاستكردنی زەوی بە لەیزەر، جەختی لەوە كردەوە كە ئەم شێوازە مۆدێرنانە بەشدارییان كردووە لە كەمكردنەوەی بەكارهێنانی ئاو بە ڕێژەی زیاتر لە 50%..
ئاماژەی بەوەشكرد : وێستگەی توێژینەوەی برنج لە میشخاب وێستگەیەكی پێشەنگە لەم بوارەدا، بە سەركەوتوویی جۆرەكانی پەرەپێداوە كە بە تەواوی لەگەڵ ژینگەی عێراق و ئاستەنگەكانیدا دەگونجێت.
جبوری ووتیشی : كە ئەم سەركەوتنە تەنها لە برنجدا سنووردار نییە، بەڵكو پەرەپێدانی جۆرە نوێیەكانی گەنم، جۆ، گەنمەشامی زەرد، سۆیا و بەرهەمی سەوزەیش دەگرێتەوە، ڕوونیشیكردەوە، ئەم جۆرانە تایبەتمەندن بە خولێكی زۆر كورتی گەشەكردن و بەرواری چاندن كە هاوئاهەنگن لەگەڵ كەشوهەوای عێراق، و سەلماندوویانە بەرهەمی بەرزیان هەیە.
جەختیشی لە گشتگیری ئەم سیاسەتە كردەوە و ئاماژەی بەوەدا : كە جۆرە پێشكەوتووەكان بە شێوەیەك داڕێژراون كە لەگەڵ ژینگە جیاوازەكانی عێراقدا بگونجێت، چ لە ناوچەكانی ناوەڕاست و باشوور یان ناوچەكانی ڕۆژئاوا، ئەمەش سیاسەتی گونجاندن لەگەڵ گۆڕانی كەشوهەوا بەهێز دەكات و كاریگەرییە نەرێنییەكانی لەسەر ئاسایشی خۆراك كەمدەكاتەوە.