دیارترین ئەو بابەتانەی کە باس کران لە چاوپێکەوتنە ڕۆژنامەوانییەکەی سەرۆکی ئەنجومەنی وەزیرانی عێراق، مەحەممەد شەیاع سودانى لەگەڵ کەناڵی هەواڵی بلومبێرگی ئەمریکی، سودانی لە چاوپێکەوتنەکەدا ڕایگەیاند، "عێراق پابەندە بە ڕێککەوتن لەگەڵ وڵاتانی (ئۆپیک) و (ئۆپێک+) بە شێوەیەک کە بەرژەوەندییەکانی بەرهەمهێنەران و بەکارهێنەران بپارێزێت و توانای بەرهەمهێنانی عێراقیش لە چوارچێوەی ئەو لێکتێگەیشتنانەدا دەبێت، بەشێک لە بەرهەمە نەوتییەکانمان ئاراستەی پاڵاوتگەکانی دەرەوەی عێراق دەکرێن بۆ کارپێکردنی ئان و لەو بارەیەوە لەگەڵ بولگاریا گفتوگۆمان کرد و لە چین و مالیزیا پاڵاوتگە هەیە"، هەروەها وتیشی: "داوایی نرخێکی گونجاو دەکەین بۆ  نەوت بە شێوەیەک کە بەرژەوەندی بەرهەمهێنەران و بەکارهێنەران بپارێزێت، و نرخێکی جێگیرمان نییە و دەبینین نرخی گونجاو لانیکەم 85 بۆ 90$ بۆ هەر بەرمیلێک".
لە تەواوی وتەی سودانی هاتووە، "عێراق دەبێتە وڵاتێکی کاریگەر لە بازاڕی گازدا، هەروەها چاوەڕێی ڕێوشوێنەکانی لایەنی تورکی دەکەین بۆ دەستپێکردنەوەی هەناردەکردنی لە ڕێگەی هێڵی تورکیاوە، بەتایبەتی ئەو نەوتەی لە هەرێمی کوردستان بەرهەم دەهێنرێت، کە لە چوارچێوەی سیاسەتی گشتی دەوڵەتدا دەبێت"، هەروەها سکاڵای هاوبەش هەیە لە دادگای نێودەوڵەتی دادوەری، بەڵام گفتوگۆمان لەگەڵ لایەنی تورکیادا هەیە بۆ جیاکردنەوەی دەست پێکردنەوەی  هەناردەکردن لە کێشە یاساییەکان لە دادگا، جەختی کردەوە، کە ڕاگرتنی هەناردەکردن زیان بە هەموو لایەنەکان دەگەیەنێت، بە لایەنی تورکیشەوە، کە پشت بە باجی بۆری هەناردە دەبەستێت.
سودانی وتیشی: دەستمان کرد بە پڕۆژەی گرنگ لەگەڵ کۆمپانیای تۆتاڵ و گەشتی پێنجەم لەگەڵ کۆمپانیا ئیماراتى و چینییدا، ئاشکراشی کرد کە عێراق 11 کێڵگە و شوێنی گازی سروشتی هەیە و عێراق جددیە لە وەبەرهێنانیان، لەگەڵ کۆمپانیاییەکی ئەمریکی کۆبووینەوە کە لە هەرێمی کوردستان کاردەکەن و ئارەزووی هەیە لە تەواوی عێراقدا کار بکەن و گفتوگۆمان کرد لەسەر ئەو دەرفەتانەی وەبەرهێنان کە ئارەزوو مەندین کۆمپانیا ئەمریکییەکان تێیدا بەشداربن، پەیوەندییەکی ستراتیژی هەیە لە نێوان عێراق و ویلایەتە یەکگرتوەکان، لە کۆبوونەوەکەدا لەگەڵ وەزیری دەرەوەی ئەمەریکا تاوتوێی چالاککردنی ڕێککەوتنی چوارچێوەی ستراتیژی کرا لەگەڵ چوونەژوورەوەی کۆمپانیا ئەمەریکییەکان و دەستپێکردنەوەی هەناردەکردنی نەوت لە ڕێگەی بەندەری جیهانی تورکییەوە، عێراق بە پەرۆشە بۆ ئەنجامدانی گفتوگۆ لەگەڵ ویلایەتە یەکگرتوەکاندا، بە شێوەیەک کە سەقامگیری بپارێزێت لە ناوچەیەکی هەستیاری وەک ڕۆژهەڵاتی ناوەڕاست، هەڵوێستی فەرمیمان ئاشکرایە،ئەویش پێویستیمان بە بوونی سەرباز یان هێزی جەنگی بیانی نییە لە عێراق، ئێمە دەزگایی ئەمنیمان هەیە کە توانای سەپاندنی ئاسایشیان هەیە.
سودانی ڕاشیگەیاند، "گفتوگۆ لەسەر داهاتووی پەیوەندییەکان لەگەڵ هاوپەیمانی نێودەوڵەتی دەکەین و لەگەڵ وێلایەتە یەکگرتوەکان تاوتوێی چۆنییەتی هاریکاریی دوولایەنە دەکەین دوور لە هاوپەیمانێتی، کە لەگەڵ هەموو وڵاتانی ناوچەکە و جیهاندا خراوەتەڕوو"، هەروەها پشتیوانی و هاوکاری هەر هەوڵێکی نێودەوڵەتی دەکەین بۆ بە ئامانجکردنی گروپە تیرۆریستییەکان، داعش یان هەر گروپێکی تر، جەختی کردەوە، کە گەیشتینە باوەڕێک کە پێویست بە هێزی چەکداری نییە، دەکرێت بەرنامەی هاوبەش هەبێت بۆ ڕاهێنان و ئاڵوگۆڕی زانیاری کە لیژنە تەکنیکییەکان لەسەری ڕێکدەکەون.
ئەوانەی لە ئێستادا بونیان هەیە ڕاوێژکارانن و ئێمە هەوڵ دەدەین بوونیان ڕێکبخەین لەگەڵ شوێنی مانەوەیان وجۆری ئەو ئەرکانەی کە پێویستن لەگەڵ ماوەکەی، بۆیە لیژنەی ئەمریکا و عێراق لەم مانگەدا یەکتر دەبینن بۆ گفتوگۆکردن لەسەر ئەم بابەتانە.
هاتووەش، کە لێکتێگەیشتن و نزیکبوونەوە و نەهێشتنی کێشەکانی نێوان ئێران و ئەمریکا بۆ ئێمە گرنگە، و هاندەرێکە بۆ سەقامگیری ناوچەکە و هەوڵدەدەین پەیوەندییەکانمان دوور بکەینەوە لە هەر ناکۆکییەک لە ناوچەکە، عێراق نابێته گۆڕەپانێک بۆ یەکلاکردنەوەی ناکۆکی و ململانێکان.