ئەمڕۆ پێنجشەممە، سەرۆك كۆمار عەبدوللەتیف جەمال ڕەشید، تەئكیدیكردەوە: كە عێراق لە ڕوویسەقامگیری ئەمنی و سیاسی و ئابوورییەوە بە قۆناغێكی نایابدا تێدەپەڕێت.
سەرۆكایەتی كۆمار لە بەیاننامەیەكدا رایگەیاند: لە پەراوێزی سەردانەكەیدا بۆ كۆماری ئەرمینیا، سەرۆككۆمار عەبدوللەتیف جەمال رەشید بە یاوەری سەرۆك كۆماری ئەرمینیا ڤاهاگن خاچاتوریان، سەردانیشاری گیومری ئەرمینیای كرد.
ئاشكراشیكرد: هەردوو سەرۆك، سەردانی سەنتەری تۆمۆ بۆ تەكنەلۆژیای داهێنانیان كرد، كە تایبەتە بەتەكنەلۆژیا و فێربون و رونكردنەوەی وردیان لەسەر میكانیزمی كاركردنی سەنتەرەكە و بەرهەمەكانی وبەرنامەی فێركردنیان پێشكەشكرا، كە روماڵی زیاتر لە وڵاتێكی ئەوروپی و خۆرهەڵاتی ناوەڕاست دەكات.
هەر لە بەیاننامەكەدا هاتووە، كە سەرۆك كۆمار گەشەسەندنی سەنتەرەكەی لەسەرئاستی بەرهەمهێنان وپرۆگرام و تەكنەلۆژیا و پلاندانانی ئایندەیی لە بواری فێربون و راهێنان بەرزنرخاند،و ئاماژەیكرد: بەخواستی كردنەوەی بواری هاریكاری و هێڵەكانی پەیوەندی نێوان سەنتەرەكە و لایەنی عیراقی بۆئەوەیسودی لێ ببینرێت بۆ وەرگرتنی شارەزایی و تەكنەلۆژیا لە كەرتەكانی فێربون و ئاسایش و ئابوری وحوكمڕانیی دیجیتاڵی.
پاشان هەردوو سەرۆك بەشدارییان لە سیمپۆزیۆمێكی دیالۆگدا كرد بەناونیشانی (دەستپێشخەرییتەكنەلۆژی لە نێوان ئەرمینیا و عیراق بۆ بەستنەوەی داهێنانەكان)، كە بە سپۆنسەری سەنتەریتەكنەلۆژیای تۆمۆ لە قەڵای رەشی مێژوویی بەڕێوەچو.
لە سەرەتای سیمپۆزیۆمەكەدا، سەرۆكی ئەرمینیا خۆشحاڵی خۆی بە سەردانەكەی سەرۆك كۆماریعیراق و وەفدی یاوەری دەربڕی، كە بە مێژوویی و سەركەوتوو وەسفی كرد و ئاماژەی بەوەكرد، كەسەردانەكە یارمەتیدەر دەبێت بۆ پتەوكردنی پەیوەندی دۆستانە و هاریكاریی بنیاتنەرانە لەنێوان هەردوووڵات لە زۆر بواری جێی بایەخی  هەردوولا.
لەلایەن خۆیەوە سەرۆك كۆمار عەبدوللەتیف جەمال رەشید باسی لە سەردانەكەی بۆ ئەرمینیا ودیدارەكانی لەگەڵ سەرۆك خاچاتوریان و سەرۆك وەزیران و سەرۆكی پەرلەمان و هەروەها كۆبوونەوەیفراوانی نێوان وەفدی هەردوو وڵات كرد، جەختیشیكردەوە: ئەم سەردانە هەنگاوی یەكەمە لەسەر رێگایئایندەیەكی گەش بۆ پەیوەندییە دووقۆڵییەكان لەپێناو خزمەتكردنی بەرژەوەندییەكانی هەردوو وڵات لەبەرەوپێشچون و گەشەسەندندا.
لەم چوارچێوەیەشدا سەرۆك كۆمار رونیكردەوە: كە عیراق بە قۆناغێكی نایابدا تێدەپەڕێت لەڕوویسەقامگیری ئەمنی و سیاسی و ئابوری، هەروەها دەرفەتی وەبەرهێنان هاتۆتەئاراوە و عیراق پێشوازی لەكۆمپانیا ئەرمەنییەكان دەكات بۆئەوەی بەشداری بكەن لە سەرپێخستنەوەی ژێرخانی ئابوری وئاوەدانكردنەوە، كە ئاستی خزمەتگوزاری و ئابوری هەردوو وڵاتی دۆست بەرەوپێش دەبات.
هەروەك سەرۆك كۆمار بە بایەخەوە باسی لە ئاستی تەكنیكی پێشكەوتوو كرد، كە كۆماری ئەرمینیابەدەستیهێناوە، جەختیشیكردەوە لە ویستی عیراق بۆ فراوانكردنی ئاسۆی هاریكاری و ئاڵوگۆڕی ئەزمونو سازكردنی وۆرك شۆپی راهێنان لە بواری تەكنەلۆژیای دیجیتاڵی و حوكمڕانی و فێربون و رۆشنبیری.
هەروەها لە سیمپۆزیۆمەكەدا پرسیار و دیالۆگ سەبارەت بە داهاتوی پەیوەندییەكانی نێوان عیراق وئەرمینیا و هەلی بەردەست بۆ بوارەكانی تەكنیكی و تەكنەلۆژی هاتەئاراوە.