سەرۆک وەزیران پێشوازیی لە شاندێكی مەزارگەی پیرۆزی عەلەوییەكان كرد

20:35 2023-12-07 27022 عێراق 0

2023-12-07

27022

ئەمڕۆ پێنجشەممە، سەرۆكی ئەنجومەنی وەزیران محەمەد شیاع سودانی، بە كتێب و دەستنووسی بەنرخ پشتیوانی حكومەتی بۆ مەزارگەی عەلەوییەكان دووپاتكردەوە. نوسینگەی ڕاگەیاندنی سەرۆكی ئەنجومەنی وەزیران لە بەیاننامەیەكدا رایگەیاند: ئەمڕۆ پێنجشەممە، سەرۆكی ئەنجومەنی وەزیران محەمەد شیاع سودانی، پێشوازیی لە شاندێكی مەزارگەی پیرۆزی عەلەوییەكان كرد، و لەبارەی دوایین ئەنجامی دەستپێشخەریی پشتیوانیكردن لە پاراستنی دەستنووس و بەڵگەنامەكان ئاگاداركرایەوە، و سەرۆك وەزیرانیش كۆمەڵێك لە دەستنووسە دەگمەنەكانی مۆر كرد. بەپێی بەیاننامەكە، سودانی تەئكیدیكردەوە، ، لەو پاڵپشتییەی كە بڕیاردراوە كتێبی بەنرخ و دەستنووس و بەڵگەنامەی مێژوویی بۆ خەزێنەی عەلەوییەكان دابین بكرێت، هەروەها ئەو پاڵپشتییە ماددییەی كە لەلایەن حكومەتەوە بۆی تەرخانكراوە، لە باوەڕ بە گرنگی كەلەپوور و زانین و پاراستنی كتێبە دەستنووسەكانەوە سەرچاوە دەگرێت، كە هەندێكیان تەمەنیان زیاتر لە هەزار ساڵە، بۆ ئەوەی توێژینەوەی زانستی و مێژوویی ئاسان بكەن و ئەو كەلەپوورە ڕۆشنبیرییە بەنرخە بپارێزن كە نوێنەرایەتیان دەكەن. نوسینگەی ڕاگەیاندن ئاماژەی بۆ ئەوەشكرد: لە میانی كۆبوونەوەكەدا شاندی مەزارگەی عەلەوییەكان پێزانینی خۆیان بۆ دەستپێشخەری پشتیوانی سەرۆك وەزیران دەربڕی، كە لە ئەنجامدا دوو هەزار و 775 دەستنووسی كڕی، بەمەش كۆی ئەو دەستنووسانەی لە خەزێنەی عەلەوییەكاندا هەڵگیراون گەیشتە 6582 دەستنووس، لە كاتێكدا بەڵگەنامە پارێزراوەكان 2444 بەڵگەنامەی مێژوویین. رونیشیكردەوە: شاندەكە سوپاس و پێزانینی بەرپرسانی مەزارگە و توێژەران و زانایانی ناو پێشەنگەكانی گەیاند، بۆ ئەو خزمەتەی بە زانست بەدەست هاتووە لە ڕێگەی كۆكردنەوەی دەستنووس و بەڵگەنامە و ئاسانكاری بۆ خوێندكاران و كەسانی فەزیلەتمەند لە گەیشتن بە هەوڵە زانستی و توێژینەوەكانیان .