سەرۆکی هەرێمی کوردستان پەیامێکی بەبۆنەی سەری ساڵ بڵاوکردەوە
سەرۆکی هەرێمی کوردستان پەیامێکی بەبۆنەی سەری ساڵ بڵاوکردەوە تێیدا وێڕای پیرۆزبایی رایدەگەیێنێت لە ساڵی 2023 "ناته‌بایى و ناكۆكیى سیاسیى ناوخۆ، ڕه‌نگدانه‌وه‌ى خراپى به‌سه‌ر توانا و پێگه‌ى كوردستانه‌وه له عێراق و ده‌ره‌وه هه‌بوو. بووه هۆى ئه‌وه‌ى هه‌رێمى كوردستان نه‌توانێت وه‌ك پێویست ماف و شایسته ده‌ستوورییه‌كانى به‌ده‌ستبهێنێت."
دەقی په‌یامى نێچیرڤان بارزانى له ساڵى تازه‌ى زایینیدا:
ساڵى تازه‌ى زایینى (٢٠٢٤) له خانه‌واده‌ى سه‌ربه‌رزى شه‌هیدان، پێشمه‌رگه قاره‌مانه‌كان، هێزه‌كانى ناوخۆ و ته‌واوى كوردستانییان به هه‌موو پێكهاته‌كانییه‌وه له هه‌ر كوێ بن، له گه‌لانى عێراق و جیهان به‌گشتى پیرۆز ده‌كه‌م. هیواى ساڵێكى پڕ له ئارامى و خۆشى و سه‌ركه‌وتن بۆ هه‌مووان ده‌خوازم.
به‌هۆى لێكه‌وته‌كانى دۆخى سیاسى، ئه‌منى، ئابوورى و كێشه و قه‌یرانه‌كانه‌وه له ناوچه‌كه و عێراق و هه‌رێمى كوردستان، ساڵێكى سه‌ختمان به‌ڕێكرد كه تیایدا ڕووبه‌ڕووى چه‌ندین مه‌ترسى و ئاڵنگارى بووینه‌وه.
ناته‌بایى و ناكۆكیى سیاسیى ناوخۆ، ڕه‌نگدانه‌وه‌ى خراپى به‌سه‌ر توانا و پێگه‌ى كوردستانه‌وه له عێراق و ده‌ره‌وه هه‌بوو. بووه هۆى ئه‌وه‌ى هه‌رێمى كوردستان نه‌توانێت وه‌ك پێویست ماف و شایسته ده‌ستوورییه‌كانى به‌ده‌ست بهێنێت. هه‌ڵبژاردنى په‌رله‌مانى كوردستان دوا خرا، له هه‌ڵبژاردنى ئه‌نجومه‌نى پارێزگاكانیشدا له ناوچه‌كانى ماده‌ى (140) كاریگه‌رییه خراپه‌كانى، دیار بوون.
پێچه‌وانه‌ى ڕێككه‌وتنه سیاسییه‌كان و ده‌ستوور، وێڕاى هه‌موو گفتوگۆ و هه‌وڵ و پابه‌ندییه‌ك، زۆرێك له ماف و شایسته ده‌ستوورییه‌كانى هه‌رێمى كوردستان له عێراق فه‌راهه‌م نه‌بوون. چه‌ندین جار به هێرش و په‌لاماری درۆنی، هه‌ڕه‌شه له ئارامى و سه‌قامگیریى هه‌رێمى كوردستان كرا.
جێبه‌جێنه‌کردنی ڕێککه‌وتنه سیاسییه‌کان و نه‌ناردنی شایسته و مافه ده‌ستوورییه‌كانى هه‌رێمى كوردستان، جگه له زیان هیچ سوودێكى دیكه به عێراق ناگه‌یه‌نێت. له عێراق و هه‌رێمى كوردستان ده‌بێ هه‌مووان به گیانى به‌رپرسیاریه‌تیى هاوبه‌ش، به یه‌كترقبووڵكردن و ته‌بایى، به گفتوگۆ و لێكگه‌یشتن، كار بۆ چاره‌سه‌ركردنى كێشه‌كان و تێپه‌ڕاندنى قه‌یرانه‌كان بكه‌ین.
با له ساڵى تازه‌دا له عێراق و هه‌رێمى كوردستان، په‌ند و وانه له ڕابردوو وه‌رگرین و پێكه‌وه به‌ره‌و داهاتوویه‌كى باشتر و سه‌قامگیر و ئاسووده هه‌نگاو بنێین. با قه‌یران و ئاڵنگارییه‌كان بكه‌ینه ده‌رفه‌ت و به‌رژه‌وه‌ندیى گه‌ل و نیشتمان، ئامانج و كۆكه‌ره‌وه‌ى هه‌مووان بێت. عێراق به پێكهاته‌كانییه‌وه به‌هێز و ده‌وڵه‌مه‌نده و ته‌نیا به ته‌بایى و پێکه‌وه‌یی، هه‌مووان براوه‌ن.
له‌م بۆنه‌یه‌دا دووپاتى ده‌كه‌ینه‌وه كه هه‌رێمى كوردستان له‌گه‌ڵ وڵاتانى دراوسێ و ناوچه‌كه و جیهاندا، له‌سه‌ر بنه‌ماى رێزله‌یه‌كگرتن و به‌رژه‌وه‌ندیى هاوبه‌ش، بره‌و به په‌یوه‌ندییه‌كانى ده‌دات. وه‌ك هه‌میشه به فاكته‌رى ئارامى و سه‌قامگیرى و به هاوبه‌شێكى كاراى كۆمه‌ڵگه‌ى نێوده‌وڵه‌تى و زێدى فره‌یى و پێكه‌وه‌ژیان ده‌مێنێته‌وه.
به هیوا و ئومێده‌وه له داهاتوو ده‌ڕوانین و ساڵى نوێ له هه‌مووان پیرۆز بێت.
كلمات مفتاحية
اخبار ذات صلة
تعليقات
أحدث الاخبار
الزيدي يتبرع بـ5 ملايين دولار من حسابه الشخصي لتلبية احتياجات مرقد السيدة زينب
المرجعية الدينية العليا تؤكد أهمية العمل على نشر مبادئ التعايش السلمي بين الشعوب
استقرار أسعار صرف الدولار في بغداد وتسجيل ارتفاع طفيف بأربيل
عراقجي يحذر من "مغامرة عسكرية" إسرائيلية بالخليج وتداعياتها المدمرة على أسواق الطاقة
الزيدي يؤكد للشرع أهمية الشراكة الثنائية وتوسيع آفاق التعاون الاقتصادي والأمني
النعمان: ملف سنجار من الواجبات الحصرية للحكومة.. وجهود مستمرة لإعادة الإعمار والنازحين
مكتبه: الزيدي سيجري مباحثات مع الشرع تتناول العلاقات الثنائية
الشرع يستقبل الزيدي في مطار دمشق الدولي
رويترز: طهران تدرس مسودة اتفاق جديدة قدمها الوسيط القطري
رئيس الوزراء علي الزيدي يغادر بغداد متوجهاً إلى سوريا لبحث العلاقات الثنائية
"المطلع" تنشر قرارات مجلس الوزراء لجلسة الثلاثاء
أمطار متفاوتة الشدة تبدأ من غرب البلاد وتمتد تباعاً إلى باقي المناطق
لجنة الأمن تحذر من تأثير آليات الترقيات على استقرار الملاك الوظيفي
الإعلام الأمني ينفي تعيين شخصيات محددة لرئاسة جهاز المخابرات الوطني
أسعار صرف الدولار في بغداد وأربيل مع إغلاق البورصة
إحالة نائب إلى لجنة السلوك النيابي بسبب تجاوزه على السوداني
بيان عاجل من الإعلام الأمني يزيح الستار عن أسباب دوي الانفجار ببغداد
