عومەر وائیلی: بەردەوامین لە دانانی سیستەمی ئیسکۆدا لە سەرجەم دەروازە سنوورییەکان

15:52 2024-03-03 88479 عێراق 0

2024-03-03

88479

ئەمڕۆ یەکشەممە"لیوا عومەر وائیلی" سەرۆکی دەستەی دەروازە سنوورییەکان،پشتڕاستی کردەوە کە سیستەمی (ئیسکۆدا) لە هەموو دەروازە سنوورییەکان بەردەوام دەبێت و گەڕانەوەی نییە، هاوکات ئاماژە بەوە دەکات کە ئەم سیستەمە زۆرترین داهات دەستەبەردەکات و ڕێگری لە ساختەکاری و دەستکاریکردن دەکات.
"وائیلی " لە وتارەکەیدا لە میانی بە ئۆتۆماتیککردنی سیستەمی گومرگی لە دەروازەی ئوم قەسر،ووتی:بە پشتبەستن بە ڕۆڵی دەستەی دەروازە سنوورییەکان و کۆنترۆڵکردن و سەرپەرشتیکردنی کارەکانی هەموو بەشەکان لە دەروازە و وشکانی و دەریایی و ئاسمانی،پیرۆزبایی ئەم هەوڵە گەورەیە دەکەین.
ووتیشی :-لە ساڵی 2009 وەزارەتی دارایی دەستیکرد بە ئۆتۆماتیکیکردنی سیستەمی گومرگی،بەڵام ئەو پرسە بە چارەسەرنەکراوی مایەوە،و هەوڵەکانی وەزیری دارایی و بەڕێوەبەری گشتی گومرگ و تیمی پاڵپشتیکار لە ئەنجامدا دەستپێکردنی بەرنامەی (ئیسکۆدا) کە بەردەوام دەبێت بەبێ گەڕانەوە.
جەختیشی لە پشتیوانی دەستەکەیان بۆ پڕۆژەکە کردەوە ،بەپێی ڕێنمایی و بەرنامەکانی حکومەت، بۆ ئەوەی بەبێ بەربەست پرۆژەکە بەردەوام بێت، هەروەک هۆشداریشیدا،کە هەر کارمەندێک یان لایەنێک،یان ئەفسەر و پلەدارێک کە هەوڵی ڕێگریکردن لەم کارە بدات.
سەرۆکی دەستەی دەروازەکان ، پشتیوانی و پشتگیری دەستەکەی بۆ سەرکەوتنی ئەم تاقیکردنەوەیە دەربڕی و ئاماژەی بە کاریگەرییە گەورەکانی کرد لە کۆکردنەوەی زۆرترین داهات لە ڕێگەی دروستکردنی ئاماری ورد و ڕێگریکردن لە ساختەکاری و دەستکاریکردن.