سەرۆک وەزیران لە ویلایەتی میشیگانی ئەمریکا لەگەڵ کۆمەڵێک بازرگانانی عێراق کۆدەبێتەوە

00:02 2024-04-20 30133 عێراق 0

2024-04-20

30133

سەرۆکی ئەنجومەنی وەزیران محەمەد شیاع سودانى، بەرەبەیانی ئەمڕۆ هەینی (بەکاتی بەغدا) لەگەڵ کۆمەڵێک بازرگان کۆبووەوە، کە دانیشتووی ویلایەتی میشیگانی ئەمەریکان، لەچوارچێوەی سەردانە فەرمییەکەیدا بۆ ئەمەریکا.
نوسینگەی ڕاگەیاندنی سەرۆکی ئەنجومەنی وەزیران بڵاویکردەوە
بازرگانەکان پێداچوونەوەیان بە تایبەتمەندییەکانی کۆمپانیاکانیان و کارەکانیان کرد و ئامادەیی خۆیان دەربڕی بۆ ئەوەی لە عێراق بن بۆ بەدواداچوون لە دەرفەتەکانی وەبەرهێنان کە لە کەرتە جیاوازەکاندا بەردەستن و بەشدارییان تێدا بکەن و بەشداربن لە بنیاتنانی وڵاتەکەیان.

لە میانەی کۆبوونەوەکەدا،سودانی جەختی لەوە کردەوە کە عێراق ئەمڕۆ واقیعێکی نوێ بەخۆوە دەبینێت سەبارەت بە کەرتی تایبەت و زنجیرەیەک هەنگاوی کرداری و ئاسانکاری ڕوونکردەوە کە حکومەت بە کەرتی تایبەتی بەخشیوە، هەروەها ئاماژەی بەوەشکردووە کە لە ڕووی چاکسازیی دارایی و بانکییەوە بەدەست هاتووە و ڕێژەی ئەو گرێبەستانەی کە پابەندن بە ستانداردە جیهانییەکان گەییشتە 80% بەپێی ڕاپۆرتەکانی دامەزراوە نێودەوڵەتییەکان.

سەرۆک وەزیران ئاماژەی بە پڕۆژە گرنگەکانی حکومەت کرد لە بواری پیشەسازی دەرمان و کەرتی نیشتەجێبوون و ئاماژەی بە دەستپێکردنی دروستکردنی شاری نیشتەجێبوونی نوێ کرد، کە دروستکردنی دەیان هەزار یەکەی نیشتەجێبوون و هەلی کار بۆ گەنجان و زیندووکردنەوەی کەرتی بیناسازی و دەیان پیشەی پەیوەست بەوەوە لەخۆدەگرێت.

سەرۆکی ئەنجومەنی وەزیران داوای لە بازرگانانی عێراق کرد دەرفەتی وەبەرهێنانی بەردەست بقۆزنە و هێڵەکانی بەرهەمهێنان بهێنن بۆ کارگەکان لە بوارە جۆراوجۆرەکاندا، ئاماژەی بەوەشکرد کە بودجەی سێ ساڵی عێراق بۆ یەکەم جار پێشکەشکردنی مسۆگەرکردنی سەروەری بۆ کەرتی تایبەت لەخۆ دەگرێت، جگە لە دامەزراندنی سندوقی عێراق بۆ پەرەپێدان کە لەگەڵ ئەم کەرتەدا کار دەکات بۆ جێبەجێکردنی پڕۆژە گرنگەکان بە شێوەیەک کە ببێتە هۆی جوڵاندنی چەرخی ئابووری و جێبەجێکردنی تێڕوانینی حکومەت لە پەرەپێدانی بەردەوام و عێراقێکی بەهێز و خۆشگوزەران.