سودانی: مەرجەعییەتی ئایینی پێداویستییەکانی گەلەکەمان دەستنیشان کردووە

19:33 2025-04-26 40702 عێراق 0

2025-04-26

40702

سەرۆکی ئەنجومەنی وەزیران محەمەد شەیاع سودانی،لەمیانی بەشداریکردنی لە کۆنگرەی گشتی هۆزەکانی بەنی حچێم لە بەغداد و موسەنا دووپاتیکردەوە مەرجەعییەتی ئایینی پێداویستییەکانی گەلەکەمان دەستنیشان کردووە.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە"سەرۆکی ئەنجومەنی وەزیران محەمەد شیاع سودانی، ئەمڕۆ شەممە بەشداری کرد لە کۆنگرەی گشتی هۆزەکانی بەنی حچێم لە بەغدادی پایتەخت و پارێزگای موسەنا.

وتیشی سودانی پیرۆزبایی لە کۆنگرەی هۆزەکان کرد و هەڵوێستی قارەمانانەی هۆزە عێراقییەکانی وەبیرهێنایەوە لەپشتیوانیکردن لەئاشتی مەدەنی و کۆمەڵایەتی و ڕۆڵی گەورەیان لە بەدەمەوەهاتنی بانگەوازی مەرجەعییەت و بەرەنگاربوونەوەی تیرۆر کە ڕۆڵەکانی کێبڕکێیان دەکرد لە بەرگریکردن لە یەکگرتوویی عێراق و کۆمەڵێک شەهید و برینداری قارەمانیان بەخشییە عێراق، هەروەها ستایشی هەڵوێستی شەرەفمەندی عەشیرەتی بەنی حچێم و هۆزەکانی تری کرد، لەچارەسەرکردنی ناکۆکییەکان و جەختی لەسەر پێویستی ڕووبەڕوونەوەی هەر ڕەفتارێک کردەوە کە زیان بە سیمای هۆزە بگەیەنێت، چونکە پاڵپشتی سەرەکی بنیاتنانی دەوڵەت و کۆمەڵگایە.

سەرۆک وەزیران جەختی لەوە کردەوە کە مەرجەعییەتی ئایینی پێداویستییەکانی گەلەکەمان دەستنیشان کردووە، هەمان ئەو پێداویستییانەیە کە لە تەوەرەکانی بەرنامەی حکومەتدا هاتووە و لە سەرووی هەموویانەوە ڕێگریکردن لە دەستێوەردانی دەرەکی و ناوبژیوانی سەروەری یاسا و سنووردارکردنی چەک لە دەستی دەوڵەت و بەرەنگاربوونەوەی هەموو جۆرە گەندەڵییەک، و ئاماژەی بەوکرد ئەو بەرپرسیارێتییە داوامان لێدەکات کار بە ئەو ئەولەویاتانە بکەین کە مەرجەعییەتی باڵا دیاری کردووە و بە هاوکاری و هەوڵی هۆزە بەڕێزەکانمان ئەم ڕێگایە بگرینە بەر.

سودانی ئاماژەی بەوەکرد کە حاڵەتێکی ڕەزامەندی هەیە لەکارەکانی حکومەت کە ئەولەویاتی هاووڵاتیانی وەک پێویست داناوە، بۆ چارەسەرکردنی ئەو هەڵە و سیاسەتانەی کە بوونەتە هۆی دواکەوتن، لەڕێگەی کارکردن لەکەرتە خزمەتگوزاری و ئابوورییە جۆراوجۆرەکانەوە و ئاماژەی بەو هەنگاوانە کرد کە لە بواری چاکسازی ئابووریدا بەدەست هاتووە، لەوانە ڕاگرتنی بەفیڕۆدان لە بەرهەمهێنانی کارەبا و سوتاندنی غاز، کە تا کۆتایی ساڵی 2027 هەموو وێستگەکان بە غازی عێراق کار دەکەن، و جەختی لەوە کردەوە کە عێراق ساڵانە 6 تریلیۆن دینار بۆ هاوردەکردنی بەرهەمەکانی نەوت خەرج دەکات و ئەمڕۆ گەیشتووینەتە خۆبژێوی.